««ஜில்தண்ணி»»

கோக்குமாக்கு - 29/08/11

2011-08-29T06:36:00.000-07:00

ஹாய் மக்கள்ஸ்

இளம் பதிவர்கள் சந்திப்பு

நம்ம ஜில்தண்ணி கடைய ஆரம்பிச்சி கிட்டத்தட்ட ரெண்டு வருசம் இருக்கும்னு நெனைக்குறன்...மொக்க போஸ்ட் போட்டாலும் அதுக்கும் கமெண்டுகளை வாரி வழங்கி என்னை வாழ வைத்த அனைத்து நல்லுள்ளங்களுக்கும் நன்றி (அப்பாடா எப்டியோ பிட்ட போட்டாச்சி :))

இந்த பதிவால நிறைய நண்பர்கள் கிடைச்சாயிங்க...நிறைய பேருகிட்ட ஆன்லைன்,மொபைல்'லதான் பேசிகிட்டு இருக்கன்...எல்லாரையும் நேரடியா சந்திக்கனும்னு ஆசை...அது கூடிய சீக்கிரம் கொஞ்சமாவுது நிறைவேற போவுதுன்னு நெனைக்குறன்

சென்னை யூத் பதிவர் சந்திப்பாம்ல...என்னதான் நடக்குதுன்னு பாத்துடுவோமே :)

________________________________________________________________________________

தமனை கேளுங்கள்

யப்பா...சான்சே இல்ல,வர வர தமன் போடுற லவ் சாங்ஸ்லாம் செம்ம பீட்டுதான் போங்க....வந்தான் வென்றான் பாடல்களை ஒரு முறை கேட்டுதான் பாருங்களேன் தெரியும் :)

________________________________________________________________________________

I quit facebooking...

ஹீ ஹீ ரொம்ப அடிக்ட் ஆயிட்டன்..சோ வேற வழியே இல்ல...அதான் De-activate செஞ்சிட்டன் ...இனி ஒன்லி ப்ளாகர் மட்டும் தான் :)

_________________________________________________________________________________

ஆவின் பால்

டெய்லி கரெக்டா பல்லு வெளக்குரனோ இல்லியோ...ஆவின் பால் குடிக்க மறக்குறதே இல்ல...மாலை 5 மணி ஆயிட்டுனா...வாய் நம நமங்குது....கிண்டி வந்து ஆவின் பால் குடிச்சிட்டுதான் வீட்டுக்கு போறதெல்லாம் :)

_________________________________________________________________________________

டிஸ்கி : ரொம்ப நாள் எழுதாததால ஃப்ளோ இல்ல...அதான் இத்தோட முடிச்சிக்கிறன்.......) :)

3

2011-08-22T07:03:00.000-07:00

முஸ்கி : யாரும் கூப்புடலனாலும் நாங்களா தொடர் பதிவ எழுதுவோம்ல :)

1.விரும்பும் 3 விசயங்கள் :

அ). அழகான பெண்கள்

ஆ). பேசிக் கொண்டே இருப்பது (ஆண் நண்பர்களிடமும் தான் :) )

இ). இசை

2.விரும்பாத 3 விசயங்கள் :

அ). என்னை விரும்பாத அழகான பெண்கள்

ஆ). தனிமை

இ). வெட்டி பந்தா

3.பயப்படும் 3 விசயங்கள் :

அ). வேகமாய் பயணிப்பது

ஆ) என் எதிர்காலம் ?

இ). என் க்ளோசப் போட்டோ

4.புரியாத 3 விசயங்கள் :

அ). கணக்கு

ஆ). பெண்கள்(இதுக்கும் கணக்குக்கும் சம்பந்தமில்ல :))

இ). செல்வா கதைகள்

5.உங்கள் மேசையில் இருக்கும் 3 பொருட்கள் :

அ). நான்

ஆ). படிக்கிறன்னு காட்டிக்க பத்து பதினைந்து புத்தகங்கள்( ஆ.வி,குமுதம்,குங்குமம் இல்ல)

இ). லூசுத்தனமா கிறுக்கிய துண்டு பேப்பர்கள்

6.உங்களைச் சிரிக்க வைக்கும் 3 விசயங்கள் :

அ). நானும் பதிவெழுதுவது

ஆ). அவ்வப்போது செல்வாவின் மொக்கைகள்

இ). அவ்ளோதான் .

7.இப்பொழுது செய்து கொண்டிருக்கும் 3 காரியங்கள் :

அ). யாரோ சொன்னாங்கன்னு எம்.சி.ஏ படிக்கிறன்

ஆ). மொக்கை போடுவது

இ). ஜில்தண்ணி'னு ஒரு ப்ளாக் ஆரம்பிச்சன் ஆனா.......

8.வாழ்நாள் முடிவதற்குள் செய்ய நினைக்கும் 3 காரியங்கள் :

அ). ஒரு முறையாவது சரக்கடிக்கனும் :)

ஆ).ஒரு சிறுகதையாவது முழுசா எழுதனும்

இ). ட்ரம்சு கத்துக்கனும்

13.அடிக்கடி முணுமுணுக்கும் 3 பாடல்கள் :

அ). இன்னும் ஓர் இரவு ( கற்றது தமிழ்)

ஆ).நெஞ்சுக்குள் பெய்திடும் மாமழை( வாரணம் ஆயிரம்)

இ). பேசுகிறேன்...பேசுகிறேன்

14.பிடித்த 3 படங்கள் :

அ). கற்றது தமிழ்

ஆ) தளபதி

இ). வாரணம் ஆயிரம்

15.இது இல்லாம வாழ முடியாதுனு சொல்லுற 3 விசயங்கள் :

அ). இணையம்

ஆ). என் டப்பா அலைபேசி

இ). வெட்டி பேச்சு

டிஸ்கி : யாருக்காவத் பதிவு போட ஒன்னுமில்லனா இத தொடர் பதிவா போடுங்க...முடிஞ்சா அதுல மேதகு ஜில்தண்னியார் அவர்களுக்கு நன்றின்னு போட்டால் வீட்டுக்கு எதாவ்து கிஃப்ட் வாங்கி அனுப்புறன்

க..க...கல்லூரி சாலை

2011-03-20T01:21:00.000-07:00

மூக்குக்கு கீழ நாலு முடியாவது மொளச்சிருக்கான்னு அப்பப்ப கண்ணாடி முன்னாடி நின்னு தடவிப் பாத்துகிட்டே இருந்தன்...ஏன்னா காலேஜ் சேந்துட்டன்ல...எங்க என்ன பால்வாடின்னு கிண்டல் பண்ணுவாங்களோன்னு ஒரு பயம் வேற

அந்த நாளும் வந்துச்சி...கல்லூரி முதல் நாள்....

காலங்காத்தால எந்திருச்சி ஓன்னுக்கு நாலு தடவ சோப்பு போட்டு குளிச்சி...அப்பா அயன் பண்ணி வெச்சிருந்த சொக்காவ சோக்கா எடுத்து மாட்டிகிட்டு கண்ணாடிய பாத்தா...அட எனக்கும் ஸ்டைல் வந்துடுச்சிப்பா...சுருள் முடிகளை மெனெக்கெட்டு வகிடெடுத்து சீவி ஏதோ பரட்டை தலை எஃபெக்ட் வரவழைச்சாச்சு

அப்பா கிட்ட சொல்லிட்டு நோட் வாங்க பதினெஞ்சும்,பேருந்துக்கு இருவதும் அப்பா பாக்கெட்டிலிருந்து எடுத்துக்கிட்டன்...போய்ட்டு வரம்மா..போய்ட்டு வரம்பா

பேருந்தில் தொத்தி கித்தி கல்லூரிக்கு வந்து சேந்தாச்சு...அடுத்து என் க்ளாச தேடனும்...B.sc Computer science - room no.205 என்று போர்டில் எழுதியிருந்தது...205ஐ தேடி அங்க இங்க போனன் கெடைக்கல...

என்ன மாதிரியே இன்னும் நாலைந்து பய புள்ளைங்க 205ஐ தேடிக்கிட்டு இருந்துச்சுங்க...அதுல பய ஒருத்தன் நல்லா வாட்ட சாட்டமா என்ன விட அழகா(அவ்வ்வ்வ்) இருந்தான்...

எங்க சீனியரா இருப்பாயிங்களோ என்ற பயத்துடனே அவனை நெருங்கி ஹாய் நீங்க பர்ஸ்ட் இயரா என்று மெல்ல விசாரிச்சன்...ஆமாம் நான் கம்ப்யூட்டர் சயின்சு நீங்க ? அட நானும் தான்..சரி வா ரூம தேடுவோம்

205 ஐ ஒரு வழியா தேடிப் பிடித்து போனால்....

என்னோட பன்னெண்டாவது படிச்ச பாதி பய புள்ளைங்க அங்க தான் இருக்காயிங்க...அட சூப்பருன்னு..ஒக்கார இடம் தேடுனா...இருந்தது மாப்பிள்ளை பெஞ்சு மட்டும் தான்...

அந்த கடைசி பெஞ்சில் ஆரம்பித்த என் கல்லூரி வாழ்க்கை...

தொடரும்....அடுத்த பதிவில்

ஆ........

2011-02-11T22:40:00.000-08:00

அப்போது மணி இரவு எட்டை தாண்டியிருக்கும் ப்ரித்வி தோசையை விழுங்கிக்கொண்டிருந்தான், முறுவலா ஒரு தோசை என்று சித்தியிடம் ஆர்டர் செய்துவிட்டு எண்ணெய் ஜாடியை எடுக்க விழைகையில் ஒரு சத்தம்

டொக் டொக் !!

ஹாய் மச்சான் !!

நண்பன் மணி அரட்டை பெட்டியில் கூப்பிடுரான் ஹாய் மச்சி தோ வாரேன்னு இவன் உரத்த குரலில் தன்னை அறியாமல் கத்திவிட, சித்தி டேய் என்னடா யாருகிட்ட பேசுற இங்க யாருமே இல்லயே, எதாவது போன் கீன் வந்துச்சாடா

சீ ஒன்னுமில்ல என்று தலையில் தட்டிக் கொண்டு தோசை போன்றே முறுவலான ஒரு சிரிப்பை உதிர்த்துவிட்டு எழுந்தான்.

மாடிப் படிகளில் சட்டென தாவி மேல சென்ற போது கடிகாரம் சரியாக 9.30 ஐ காட்டிக் கொண்டிருந்தது, சரி எதாவது படிக்கலாமேன்னு அலமாரியில் கலைந்து கிடந்து புத்தகங்களில் ஒன்றை எடுத்து நாலு பக்கம் மேய்ந்து கொண்டிருக்கையில்

இன்னும் ஓர் இரவு ! இன்னும் ஓர் நிலவு

தீப்பிடிக்க தீப்பிடிக்க முத்தம் கொடுடா !

என் நெஞ்சிலொரு பூ பூத்ததன் பேர் என்னவென கேட்டேன் !!

இரும்பிலே இருதயம் முளைக்குதே !

என்று கன்னாபின்னாவென்று பாடல்கள் மாறி மாறி இவன் காதுமடலருகில் காட்டுக் கத்தலில் ஒலித்துக் கொண்டிருந்தது, மண்டையே வெடித்துவிடும் போன்ற உணர்வு மூளை நரம்புகள் முறுக்கிக் கொள்வைதை போல ஒரு வலி, சட்டென தன் காதில் இருந்த ஹெட்போன பிய்தெடுக்க முயற்ச்சிக்கையில் காதில் ஹெட்போனே இல்லை, பின் எப்படி இந்த சத்தம்

அலைபேசியை சுண்டிப் பார்க்கையில் அதிலும் பாடவில்லை, அந்த சத்தத்தின் படபடப்பு அடங்கவில்லை, ஜன்னலில் எட்டிப் பார்த்தான்...மொட்டை மாடியில் ஏறி தெருவை வெறித்து பார்த்தான்...குளிரில் குட்டி நாய் ஒன்று அலரிக் கொண்டிருந்த சத்தம் மட்டும் தான்..அப்படி ஒரு அமைதி...

பதட்டத்தில் பத்து படிகள் மதமதவென குதித்திறங்கி ஆக்வாசியூரில் சுத்தம் செய்யப்பட்ட தண்ணீரை மூன்று தம்ளர்கள் குடித்திருப்பான்..அப்போது சித்தப்பா காலை சாப்பாட்டுக்கு வெங்காயம் உரித்துக் கொண்டிருந்தார் ..அவரிடம் இதை சொல்லலாமா என்று ஒரு நொடி யோசிக்கையில் அனிச்சையாக கால்கள் படிகளில் செலுத்தப்பட்டு மீண்டும் மாடிக்கே வந்தான்

இந்த உணர்வு என்னவென்று அவனுக்கு புரியவில்லை...இதை டைரியில் எழுதிவிடுவொம், என்னன்னு அப்பரம் ஓசிக்கலாம்னு..தன் மெத்தைக்கடியிலிருந்த டைரியை எடுத்து பிப்ரவரி 16-ஐ தேடி இந்த உணர்வை எப்படி எழுதுவது என்று மனசுல ஒருவாரு எழுத்துக்களை கோர்த்து கொண்டு

எழுத பேனாவை டைரியில் கைவைக்க அங்கொரு அதிர்ச்சி

தான் மனதில் கோர்த்த எழுத்துக்கள் டைரியில் அச்சுபிசகாமல் அச்சடிக்கப்பட்டிருந்ததை பார்த்து அதிர்ந்து போய் டைரியை வீசிவிட்டான்...இரவின் தனிமையில் பயம் என்னவென்றே புரியாமல் மொசேக் தரையில் சப்பணக்கால் போட்டுக் உட்கார்ந்து தலையை சொரிந்து கொண்டே இருந்தான்

தலை முடியெல்லாம் உதிர்ந்து தலைபாரமே இல்லாமல் போன்றிருந்தது ....தன்னையறியாமல் கண்கள் சொக்கிப் போய் தரையிலேயே தூங்கிப் போய்விட்டான் ப்ரித்வி...

காலை பத்து பதினோரு மணியிருக்கும் மீண்டும் அந்த சத்தம்

டொக் ! டொக்

இப்போது கணிப்பொறிக்குள்ளிருந்து வந்தது..மேசையிலிருந்த சுட்டியை திரையில் நகர்த்தி க்ளிக்கி இவனும் ஹாய் மச்சான் என்று அரட்டையடிக்க ஆரம்பித்தான்

டிஸ்கி : என்ன பண்றது இந்த சுஜாத புத்தகங்கள படிக்கிறதும் , கம்பிபிட்டர நோண்டுறதுமே பொலப்பா இருந்தா இப்பிடித்தான் எதாவது சம்மந்தமில்லாம தோணுமாம்

மீனவர்களைக் காப்பாற்றுங்கள் #tnfisherman

2011-01-31T21:50:00.000-08:00

ஐநூற்றுச் சொச்சம் மீனவர்கள்... ஐநூற்றுச் சொச்சம் குடும்பங்களின் எதிர்காலம் கேள்விக்குறியாக்கப்பட்டிருக்கிறது இதுவரை. இனிமேலும் தொடராமலிருக்க, ஒரு வலையுலக யுத்தம்

கூட்டணி பேரம், பதவிச்சண்டை என்றால் மட்டும் ஆளாய்ப் பறந்துவிட்டு, ஒரு மரணம் சம்பவித்தால் லட்சத்தைத் தூக்கியெறிந்து தற்காலிகமாக வாயை அடைப்பது இங்கு மட்டும் தான் நடக்கும். நடவடிக்கை எடுக்கக் கேட்டால் இருக்கவே இருக்கிறது கடிதங்களும் தந்திகளும்.. இதையும் மீறி யாராவது ஏதாவது கேட்டால் கடந்த ஆட்சியில் ஏன் நடவடிக்கை எடுக்கவில்லை என்றொரு எகத்தாளப் பேச்சு.

தங்களது குடும்பங்கள் இன்னும் நூறாண்டுகள் செல்வச்செழிப்புடன் வாழ தொலைநோக்குப் பார்வையுடன் யோசிக்கும் தலைவர்கள், ஒரு சாதாரணன் சாதாரண வாழ்க்கை வாழ வழி செய்யாதிருப்பது திருட்டுத்தனம்.

அயல்நாடு செல்லும் பிரபலங்கள் சோதனை என்ற பெயரால் அவமானப்படுத்தப்பட்டால் கூட பொங்கியெழும அரசியல் எரிமலைகள், இங்கொருவன் கொல்லப்பட்டு அவன் குடும்பம் சிதைக்கப்பட்டால் கூட மௌனம் சாதிப்பது அருவருப்பாக இருக்கிறது.

அரசியல் பிழைத்தோர்க்கு அறம் கூற்றாகாதா?

நன்றி மகேஷ் : ரசிகன்
மீனவர்களைக் காப்பாற்றுங்கள் #tnfisherman

Your support can make a difference in Indian Fishermen's Life - Pls Fwd through mail

Hi Friends,

I am sure you must have heard about the recent killings of Indian Fishermen from Tamil Nadu. by Sri Lankan Navy., if you have not request you to read through these links from popular dailies. - Pandiyan Killed on 12th of Jan 2011 , Jayakumar Strangulated on 24th Jan 2011 ,

So far, in the last few decades 530 fisherman has been killed, thousands of fisherman has been harassed, and multiple crores of rupees worth fishing equipments and boats have been demolished by Sri Lankan Navy. Our Indian Government has been a silent spectator for all this.

As a fellow Indian brothers & sisters , I appeal to you to voice your support for the fellow Indian fishermen brothers . As a fellow Indian you can do the following to voice your support for the poor fishermen, who have become target for the Sri Lankan Navy.

1.Sign the petition to stop the killing by Sri Lankan Navy

http://www.petitiononline.com/TNfisher/petition.html

2.Join the online protest to save the fishermen by tweeting about this using #tnfisherman tag

http://twitter.com/#!/search?q=%23tnfisherman

3.You can add the twibbon to your twitter profile / Face book profile picture to show your protest - http://twibbon.com/join/TNFisherman

Read and contribute for the Face Book page on Save Tamil Nadu Fisherman - http://www.facebook.com/savetnfisherman

4.Read and contribute articles for www.savetnfisherman.org

We are also seeking volunteers to contribute to this cause. If you are interested you can write to us savetnfisherman@gmail.com,tnfishermancampaign@gmail.com

One last request, Please send this mail to as many us of your friends and colleagues.

with best regards,

A Fellow Indian

இன்னும் பல ஆயிரம் கையெழுத்துக்கள் தேவைப்படுகிறது...தாங்களும் பதிவின் மூலமாகவும்,மின்னஞ்சல் மூலமாகவும் இதனை தெரியப்படுத்தவும்

அடச்சீ...

2010-12-30T22:55:00.000-08:00

புதுவருசம் வந்துட்டு...இந்த வருசத்துல எதாவது ஒன்னாவது உருப்படியா செஞ்சி கிழிச்சிருக்கோமான்னு பாத்தா அப்டி ஒன்னுமில்ல..சரி வரும் வருசத்துலையாவது எதையாவது செய்வோம்(இன்னும் எத்தன வருசத்துக்குடா இதே டயலாக்க விடுவீங்க :( )

சரி மேட்டருக்கு வருவோம்....
மூஞ்சிபுத்தகம் அதாங்க FACEBOOK.. நம்மாளுங்க பாஷையில் சொல்ல போனா ப்ளாகரை போல ஓசி-யில் கும்மியடிக்க கிடைத்த இன்னொரு வரப்பிரசாதம்..அவ்ளோதான்

இங்கும் ஆண்களுக்கு நிகரா பெண்கள் வலம் வருவதில் மகிழ்ச்சியுடன் கூடிய வருத்தம் தான், ஏன் இங்கும் பெண்கள் தான் பாதிப்புக்குள்ளாகிறார்கள்

நம்ம பொண்ணுங்களுக்கு இதை சொல்லியே ஆகணும், நீங்க அழகு தான் இல்லன்னு யாருமே சொல்ல,அதை ஏன் ஊருக்கே காட்டனும்?

இது ஒரு ஃபேசனாவே ஆயிட்டு....பேஸ்புக்குல போடுறத்துக்காவே ரகம் ரகமா போட்டோ எடுக்குறாயிங்க...இவிங்க

போன வாரம் ஒரு பெண்ணின் போட்டோவை எதார்த்தமாக பார்க்க நேர்ந்தபோது...அதிலிருந்த கமெண்டுகள்...ச்சீ இப்டி கூடவா கெளம்பிருக்காயிங்கன்னு சொல்ல வைத்துவிட்டது

அப்பெண்ணின் உடலை வர்ணித்து இப்படி அப்படி என்று..ஆங்கிலத்தில் கேவலமாக எழுதியிருந்த அத்தனை பேரின் பேரும் இப்படித்தான் இருந்தது..john silverstock, mary brown, peter smith எல்லாம் வெளிநாட்டு ஆளுங்களா இல்ல நம்மாளுங்களே இப்டிபட்ட பேரில் திரியிராயிங்களான்னு தெரியல :(

எங்க போனாலும் எல்லா வகையான ஆளுகளும் இருக்கத்தான் செய்யுறாயிங்க... நாமதான் கவனமா இருக்கனும் :)

தாய்குலமெ உங்களுக்குத்தான் சொல்றன் கேட்டுக்கங்க

நாம் பொழுதுபோக்குக்காகவும் நட்புகளை ஆராதிக்கவும் இந்த மூஞ்சிபுத்தகம் இன்றியமையாத ஒன்றாயிட்டு..சரிதான் ஆனாலும் நீங்கதான் உசாரா இருக்கனும்

## தெரியாத நபர்களை சேர்க்கவே சேர்க்காதீங்க

## போட்டோக்களை இங்கு அப்லோடு செய்து.. நீங்களே மாட்டிக்காதீங்க. நாளக்கி உங்க போட்டோக்களிலும் இது மாதிரி கேவலமான பின்னூட்டங்கள் வரலாம், அதுமட்டுமில்லாம உங்க போட்டோவ அலாக்கா தூக்கி பல்வேறு கேவலங்களுக்கு பயன்படுத்தும் கயவர்கள் இணையத்தில் பலர் வலம் வருகிறார்கள் என்பதையு மறந்துடாதீங்க

## அப்படியே உங்கள் நண்பர்களுக்கு போட்டோக்களை காட்ட வேண்டுமென்றால் இருக்கவே இருக்கு மின்னஞ்சல்(E-mail), அதுல பகிர்ந்துக்கங்க

## பேஸ்புக்கில் நிறைய கட்டுப்பாடுகளும் இருக்கின்றன..அவைகளும் பயன்படுத்துங்க...

Facebook privacy settings

# நம்ம குரு சுடுதண்ணி அவர்களின் இந்த இரண்டு பதிவும் கண்டிப்பா உங்களுக்கு பயன்படும்..படிச்சி பாருங்க

இணையத்தில் புகைப்படம் வெளியிடும் முன்- 1

இணையத்தில் புகைப்படம் வெளியிடும் முன்- 2

அனைவருக்கும் இனிய புத்தாண்டு வாழ்த்துக்கள் :)

மாறியவை மாற்றியவை

2010-12-11T06:51:00.000-08:00

முஸ்கி : நம்ம கடைய சரியா தொறக்குறதில்லன்னு நிறைய பேர் வருத்தப்படுறாங்க , சரி விடுங்க இனி ஜில்தண்ணி - எப்போதும் சூடா (ஹீ ஹீ) கிடைக்குமுங்கோ

யார் இவன் ?

சென்னை - மாறியவையும் மாற்றியவையும்

நாலைந்து மாசம் தூங்குவதையே பொழப்பா ஓட்டிகிட்டு இருந்தன், இங்கு சென்னை வந்ததும் நானும் எந்திரம் சுழற்சியாய் ஓட ஆரம்பித்து விட்டேன், ஊரில் அனுபவித்த நிறைய சந்தோசங்கள் இங்கு காணாமல் போயின,ஆயினும் இங்கு இருப்பதையே சந்தோசமாக அனுபவிக்கும் பக்குவம் எனக்கு வந்துவிட்டது

ஆஹா என்ன ஒரே தத்துவமா வருது :) சரி ப்ளே(ட்)ட மாத்துவோம்

## எங்க ஊர்ல ஒன்னு ரெண்டு ஃபிகர் தான் உருப்படியா பாக்க லெட்சனமா இருக்கும்...அது பின்னாடி ஒரு ஊரே க்யூ கட்டி நிக்கும்...இதுல நாமலாம் எங்க டூயட் சாங்க போடுறது....

## ஆனா இங்க சென்னைல எல்லா வகையான ஃபிகர்களும் இருந்தும் பார்க்க தான் நேரமில்லை ஓடிக்கினே இருக்கன் (ஏன் நீங்க எதாவது ஓட்டப் பந்தயத்துல கலந்துக்க போறீங்களான்னு கேக்க பிடாது )

## அப்பரம் கைலின்னு ஒன்ன இடுப்புல சுத்திகிட்டு திரிஞ்ச பய இப்ப கலர் கலரா டிராக்ஸ் தான் போடுறது (ஹ்ம்ம்ம் என்னத்த சொல்ல)

## முப்பது ரூவாய்க்கு முடி வெட்டி ட்ரிம்மிங்கும் பண்ணிடுவன் ஊர்ல, இங்க எண்பது ரூவா கேக்குறானுங்க கேட்டா அது சலூன் இது மென்ஸ் பியூட்டி பார்லராம் (அதே மயிரத்தானடா இங்கயும் புடுங்குறீங்க)

## இந்த காதுல செவுட்டு மிசின் மாதிரி ஹெட்போன்....போட்டுட்டு அலைறானுகளே இவனுகன்னு கேட்டவன் இப்ப நானும் இந்த ஹெட்போனை எப்ப பாத்தாலும் காதுல மாட்டிகிட்டு இசையை ரசிக்கிறன் ( ஆமாம் ரசிக்கிறாறாமா மனசுல இளையராஜா பேரன்னு நெனப்பு)

# தோழி(கள்) தேவை அப்டின்னு பதிவே போட்டவன்... காலேஜில் போடுற மொக்கையில ஏகப்பட்ட ரசிகைகள்(ஐ மீன் தோழிகள்) கிடைச்சிட்டாளுங்க
( அவ்ளோ பெரிய அப்பாடக்கராடா நீ :))

# அப்பரம் இதுக்கு ஒரு போஸ்டே போட்டு கொண்டாடிருக்கனும்.. ஆமாங்க என் ட்விட் ஒன்னு ஆனந்த விகடன் வலைபாயுதேல போட்டுட்டாயங்க
( ரொம்ப பழசு தான் )

பார்க்க : என் ட்விட் இடம் பெற்ற ஆனந்த விகடன்

டிஸ்கி : முடிவா என்னதான் சொல்ல வரன்னு கேக்குறீங்களா...ஒன்னும் சொல்றதுக்கு இல்லன்னு சொல்ல வரேன் :)

அழகு + நட்பூ

2010-11-27T22:59:00.000-08:00

"எதையும் அழகாக ரசிக்கலாம் அழகான மனமிருந்தால்"

மூக்கும் முழியுமாய் ஏமி ஜாக்சன் கலரில் இருந்தால் தான் அழகா, எதுவும் அழகு தான் என் மனம் அழகாக இருப்பதால்

சாக்கடை முதல் சாக்லெட் பேப்பர் வரை
எல்லாம் அழகாகவே தெரிகிறது

ச்சீ என்று விரட்டும் நாயை தோ என்று அழைத்து கொஞ்சினால் அழகுதான், ஆமாம் இதெல்லாம் எனக்குள் எப்படி வந்தது

ஆம் அவள் தான் அவளே தான், என் கருகிப் போன இதயத்தை கலர் கலராய் மாற்றியவள் தான்

நிறைய மாறிவிட்டேன் எல்லாத்தையும் ரசிக்க ஆரம்பித்துவிட்டேன், எனக்குள்ளும் ரசனையை விதைத்துவிட்டாளே

நான் கூட கவிதை எழுதுறேன்னா பாத்துக்கங்க :)

+++++++++++++++++++++++++++++++++++++++++++++++++++++++++++++++++++++

"இப்படித்தான் இருக்கணும் என்றது காதல், எப்படியும் இருக்கலாம் என்றது நட்பு என் நட்பு "

கட்டுப்பாடற்ற காட்டாறாய் கூட இருக்கலாம் நட்பு, வாடான்னா போவான் அடிடான்னா கடிப்பான், எதாவது வம்பு பண்ணிக்கிட்டே இருப்பான், எல்லாம் நட்பு தான்

இந்த அழகான நட்பூ சில நேரங்களில் செயற்கை பிளாஸ்டிக் பூவாக கூட இருந்துவிடும் போது ஏமாற்றங்கள் எனக்கு மட்டுமே :(

நட்பூ பூக்கட்டும் இயற்கையாய்

டிஸ்கி : மொக்கையாயிட்டுன்னு தெரியுது இருந்தாலும் எனக்காக அட்ஜெஸ்ட் பண்ணிக்கோங்க :)

விவசாயாமா அப்டின்னா ?

2010-10-18T08:19:00.000-07:00

நாத்து பறிப்பது முதல் களையெடுத்தல்,அறுவடை வரை மனிதசக்தியை மட்டுமே நம்பி விவசாயம் செய்து கொண்டிருந்த நாம் இப்போது அத்தனையையும் எந்திரத்தை வைத்தே செய்து முடிக்கிறோம் .

எல்லாம் அறிவியலின் சாகசங்கள் தான்.ஆனால் இன்னும் சில வருடங்களில் இந்த அறிவியல் உன்னதங்களை பயன்படுத்தி விவசாயம் செய்ய நிலங்களே இருக்காது என்பது தான் கவலைக்கிடம்.

என் தாத்தா விவசாயநிலத்தில் இறங்கி உழைச்சாங்க ,அப்பா சாப்பாட்டுக்காவது வேண்டுமேன்னு விவசாயம் செய்றாங்க.அடுத்து நானோ வயல்களில் கால் வைப்பதை கீழ் தரமாக நினைக்கிறேன்,எங்கப்பாவால் முடியும் வரைதான் விவசாயம் அடுத்து அந்த நிலத்த ப்ளாட்டா மாத்திடுவேன் அவ்ளோதான்.

இது என்னோட எண்ணம் மட்டுமல்ல.இதுதான் இப்போதைய நிலைமை.

பல பல ஏக்கர் நிலங்களை வைத்து விவசாயம் செய்யும் முதலாளிகள் முதல் ஒரு வேலி நிலமே வைத்திருக்கும் சாதாரண கூலி வரை தங்கள் பிள்ளைகள் படித்து பட்டம் வாங்க ஒரு அரசு உத்தியோகத்திலோ அல்லது வேறு நல்ல வேலையிலோ அமர வைப்பதுதான் அவர்களின் ஆசையாகவும் கடமையாகவும் இருக்கிறது.

தான் பட்ட கஷ்டம் மகனும் படக்கூடாது என்பது தான் அவர்களின் எண்ணம் அவர்களை சொல்லிக் குற்றமில்லை.

இப்படி படித்து நல்ல வேலையில் அமருகின்றோம் ,அப்பா இருக்கும் வரை விவசாயத்தை கருமமேன்னு செய்கிறார். அதன்பின் கொஞ்ச நிலமாக இருந்தால் உடனே பைசல்,அதிகமா இருந்தா ப்ளாட்டுகள் தான், யார் விவசாயமெல்லாம் செய்யுறது ?

இந்த எண்ணம்தான் மாறனும், நம் உணவுத் தேவையையாவது நாமே பூர்த்தி செய்து கொள்ளும் அளவுக்காவது விவசாயம் செய்யனும்.

நான் புதுசா நிலம் வாங்கி விவசாயம் பண்ண சொல்லலீங்க, கொஞ்சமோ நஞ்சமோ நிலம் வைத்திருப்பவர்களாவது இதை செய்யலாம்ல!

முடியுமா நீங்க சொல்லுங்க ?

நானும் அந்த 140 எழுத்துக்களும்

2010-10-10T07:45:00.000-07:00

என்னத்த சொல்றது போங்க, இப்பலாம் எது யோசிச்சாலும் சரி எழுதினாலும் சரி எல்லாமே சின்னாதாவே வருது,பரிட்சையில 16 மார்க் கேள்விக்கும் ரெண்டு மார்க் கேள்விக்கும் ஒரே அளவு பதில் தான் வருது

எல்லாத்துக்கும் அவன் தான் காரணம்,அவன்தாங்க ட்விட்டர் , இனி பரிட்சை கேள்வி தாளில் எல்லா வினாக்களுக்கும் 140 எழுத்துக்களில் விடையளின்னு இருந்தா கூட தேவலாம் என்கிற அளவுக்கு என்னை ட்விட்டர் அடிமையாக்கி இருக்கிறது

நிறைய மொக்கை கவிதலாம் எழுதுறன் அதுக்கு காரணம் "அவள்" இல்ல ட்விட்டர் தான்,இன்னும் கொஞ்ச நாள் போச்சுன்னா என்னோட பதிவும் 140 எழுத்துக்கு சின்னதா ஆனாலும் ஆகும்

ட்விட்டர் இன்னக்கி இணையத்தின் இன்றியமையாததாகிவிட்டது, ட்விட்டருக்கு முன் கூகுளின் ஆர்குட்டும்,மூஞ்சி புத்தகமும் டம்மி பீசுகளாய் வளம் வந்து கொண்டிருக்கின்றன (இன்னமும் யாராவது ஆர்குட் யூஸ் பண்றீங்களா என்ன :) )

எது நடந்தாலும் ஊருக்கு முன்னாடி முதல்ல ட்விட்டேருக்கு சொல்லிடுறேன், வாந்தி வந்தாலும் சொல்றன், பூந்தி தின்னாலும் சொல்றன், மொத்ததுல ட்விட்டர் ஒரு குட்டி நண்பன்

+++++++++++++++++++++++++++++++++++++++++++++++++++++++++++++++++++++++++++++++
சரி வந்தது வந்துட்டீங்க சில பல ட்விட்டுகளை படிச்சிட்டு போங்க :)

@@ அவள் அன்று கண்களால் கடித்ததால் ஏற்ப்பட்ட காதல் புண் இன்று வடுவாகியும் சுகமாய் வலிக்கிறதே #காதல் சுகம்

@@ போன வாரம் சுட்ட ஊசிப் போன வடையை கூட சகித்து சாப்பிட்டு விடுவேன் இந்த பாழாய் போன பீசாவை எவன் திம்பான் #பிசா கார்னரின் கார்னரில்

@@ அன்று என்னவளின் ஏகாந்த சிரிப்பினில் ஏழையாய் ஏமாந்து போனதன் விளைவு இன்று என்னையே எனக்கு எவனென்று தெரியாமல் எத்தனிக்கிறேன் #toolate

@@ தோழியிடம் மீசையை எடுத்தால் கமல் மாதிரி இருப்பேனா என்றேன்,ஆம் என்றாள் எடுத்துவிட்டேன் அப்பரம் தான் சொல்கிறாள் அது "குணா" கமல் என்று #அழகு

@@ மூன்று வருடம் முக்கி முனகி அவள் முன்னால் மண்டியிட்டு மாரடித்த மணித்துளிகளில் மரணித்து மக்கியிருந்தால் மனிதனாயிருக்கலாம் #toolate

@@ அவளின் நினைவலையின் எச்ச சொச்சங்களை பொறுக்கி பொட்டலம் போட்ட நேரத்தில் அப்பா கடையில் பொட்டலம் போட்டிருந்தால் எப்பவோ பொழச்சிருக்கலாம் #toolate

@@ என்னதான் செக்க செவேலுன்னு இருந்தாலும் சேட்டு பொண்ணுங்கள பாத்தா ஜொள்ளு விட தோணல #என்னுமோ தெர்ல

டிக்கெட்

2010-09-27T06:28:00.000-07:00

காலை 8.30 மணி - பேருந்து நிலையம்

காலேஜ் வழியா செல்லும் நகரப் பேருந்து வருதான்னு எட்டி பார்த்த பிரபாவுக்கு அவன் ஃபிகர் அங்கு நின்று கொண்டிருந்ததை பார்த்த போது ஒரு அதிர்ச்சி கலந்த ஆச்சரியம்

என்னடா எப்போதும் காலேஜ் பஸ்லயே போயிடுவா,இன்னக்கி இங்க நிக்கிறா,சரி நமக்கடித்த அதிர்ஷ்டம் என்று தன்னுள் சொல்லிக் கொண்டு சிரித்தான் அவன்

பேருந்தும் வந்தது அவள் அசால்ட்டாக முன் புறம் ஏறி நின்று கொண்டாள், நண்பர்கள் டேய் அடுத்த பேருந்தில் போகலாம் டா என்று கத்தியும் காதில் விழாதது போல் அவனோ பின் புறமாக முட்டி மோதி அவளுக்கருகில் போய் நின்றான்

முழு நிலவைப் போல் பிரகாசித்திருந்தது அவன் முகம்,அவள் சிரிப்புச் சில்லரைகளை சிதற விட இவன் ஒவ்வொன்றாய் பொறுக்கிக் கொண்டிருந்தான்

இவ்வளவு நெருக்கத்தில் பிரபா இதுவரை அவளை பார்த்ததில்லை,கிறக்கத்தில் அங்கு நடந்தது யாவும் ஊமைப் படமாகவே தெரிந்தது அவனுக்கு

அங்கு எவனோ இந்த பாடலை வேறு ஓடவிட்டிருந்தார்கள்

காதல் சிலுவையில் அறைந்தாள் என்னை
தீயின் குடுவையில் அடைத்தால் கண்ணை

திடீஈஈஈஈஈஈஈஈஈஈஈஈஈஈஈஈஈரென்று சடன் பிரேஏஏஏஏஏஏஏஏஏஏஏக்
போட்டு ஓரங்கட்டினார் டிரைவர்

காரணம் டிக்கட் செக்கிங் செய்கிறார்களாம்

வெள்ளை சீருடை அணிந்த இருவர் இரு பக்கமும் நின்று கொண்டு ஒவ்வொருத்தராக செக் செய்தனர்

அப்போது தான் பிரபாவுக்கு தோணியது ஆஹா நாம டிக்கட் எடுத்தோமா தெரியலயேன்னு சட்டை பையை துழாவியதில் கிடைத்தது சில சில்லரை காசுகள் மட்டுமே

ஒவ்வொருவராக டிக்கெட்டை காட்டிக் கொண்டிருந்தனர்

பிரபாவுக்கு இப்போது முற்றிலும் வியர்த்து விட்டது

ஆஹா டிக்கெட் எடுக்கலன்னா இவனுக எப்புடியும் ஒரு 150 ரூவாயாவது தாளிச்சிருவானுங்க,ரூல்சு பேசினா ஃபைன் 500 கட்றியான்னு கேப்பாங்க

அவனுக்கு என்ன செய்வது என்று புரியல,இப்ப பையில் இருப்பது எல்லாத்தையும் தேத்துணா கூட முழுசா முப்பது ரூவா கூட தேறாது,பயலுவோ கூட வந்தாலாச்சும் அவனுகளாவது எதாவது வழி செய்திருப்பானுங்க என்று பல கோணங்களில் இருந்தும் யோசனை வந்தது

இந்த பொண்ண பாத்து வாய பிளந்து பேருந்தில் ஏறினது என் தப்பு என்று தலையிலடித்துக் கொண்டான்

அதற்குள் அந்த டிக்கெட் செக்கிங் ஆசாமி அவனை பார்த்து டிக்கெட் எங்கப்பா எடுத்து குடுத்துட்டு போப்பா,காலேஜுக்கு மணி ஆகலயா இன்னும் ?

அவன் என்னுமோ பத்து இட்லியை வாயில் வைத்திருப்பதை போல் "டிக் டிக் டிக்கெட்" என்று மழுப்பி விட்டான்

அதற்குள் அந்த ஆசாமி " ஓ உங்கிட்ட இருக்குறது பஸ் பாசா,சரி அத காட்டு"

அப்போது தான் பிரபாவுக்கு 300 வாட் பல்பு எறிந்து நினைவுக்கு வந்தது,ஆமாம் நம்மகிட்டதான் பஸ் பாசு இருக்குள்ள,அப்பரம் என்ன பயம்...

பிரபா தலையில் அடித்துக் கொண்டு சிரித்தான் " சே அந்த பொண்ண பாத்ததும் இது கூடவா மறந்து போகும் மரமண்டையாட நீ "

டிஸ்கி : இது உனக்கு நடந்த உண்மை கதையான்னு யாராவது கேட்டீங்க,அப்பரம் ஆமான்னு சொல்லிடுவேன் ஆமாம் :)

கல்லூரிக் கலாட்டாவும் சில கவிதைகளும்

2010-09-21T07:05:00.001-07:00

ஒரு ரெண்டு மூணு வாரமா இநத பக்கம் வர முடியாம போயிடுச்சி, மொக்கைகள் கம்மியா இருக்கு,ஆளாலுக்கு உருப்படியா எழுத ஆரம்பிச்சிட்டாங்க,இப்படியே போனா தமிழ் பதிவுலகம் என்னாவது சரி அதான் மொக்கை ரிட்டன்ஸ்

காலேஜும் போக ஆரம்பிச்சாச்சு புது நண்பர்கள் நிறைய பேர் கிடைச்சிருக்காங்க(தோழிகள் கிடைக்கலன்னு சொன்னா நம்பவா போறீங்க),புது சூழ்நிலை எனக்கு ரொம்பவே புடிச்சிருக்கு

                                      *****************************

முதல் நாளே வாந்தி சாரி வாத்தி ஒருவர் யாரெல்லாம் ப்ளாகரா இருக்கீங்க,கைய தூக்குங்கன்னு சொல்ல,நான் மட்டும் தைரியமா கைய தூக்கிட்டேன்(ஆமாம் நான் ப்ளாகரா ?), நான் மட்டும் கை தூக்க ஊரே என்னை பார்க்க ஆரம்பத்தது, அந்த வாத்தி whats your latest blog என்று கேட்க நான் கோக்குமாக்கு என்று உளர,என்னை பாத்து அத்தன பொண்ணுங்களும் சிரிக்க எப்படியோ சமாளிச்சேன்

                                      *****************************

ஒரு வாரக் காலத்தில் எல்லா பய புள்ளங்களுக்கும் பட்டப் பேர் வச்சாச்சு, எனக்கு என்ன பேர் வச்கிருக்காங்கன்னு சொல்ல மாட்டேனே ( தெறம தெறம) :)

*******************************

சென்னை வாழ்க்கையை நல்லா அனுபவிக்கிறேன் முன்பு போல் விடியற்காலை 11 மணி வரை தூங்க முடியாவிட்டாலும் முன்னிரவு 5.30 மணி வரை தான் தூங்க முடிகிறது(தாங்க சாரி தூங்க முடில)

                                    ********************************
மொக்க கவுஜைகள் ரிட்டன்ஸ்

சென்ற வருடம்
காதலித்த அவளுக்காக
எழுதிய கவிதையை
இப்போது காதலிக்கும்
அவள் படித்துப் பார்த்து சிரிக்கறாள்
அவளுக்கென்று நினைத்து

++===++===++===++===++===++

என்

வாழ்க்கை பேனா

அவன்,அவள்களை

படித்து எழுதியதால்

எப்போதும்

மகிழ்ச்சியில்

பொங்கியே

இருக்கிறது

==++===++==++==++===++===

நான்

அவளோடு அதிகம் பேசிய

வார்த்தை

"மௌனம்"

==++==++==++==++==++==++==++

என் அழகுப் பேயின்

கன்னக் குழிகளில்

காதல் ரசத்தை

ருசித்ததால நான்

என் வசம் இல்லாமல் போனேன்

டிஸ்கி : நேரம் இல்லாததால் சரியா மொக்கை போட முடியல,கூடிய சீக்கிரம் ஃபுல் ஃபார்முல ஆரம்பிச்சிடுறேன்

கோக்குமாக்கு -- 03 / 09 / 10

2010-09-03T01:58:00.000-07:00

குவாட்டரு குவாட்டரு குவாட்டரு குவாட்டரு குவாட்டரு குவாட்டரு
குவாட்டரு குவாட்டரு குவாட்டரு குவாட்டரு குவாட்டரு குவாட்டரு

என்னடா குவாட்டர் அடிக்க காசு கேக்குறானான்னு பாக்குறீங்களா, சீ நான் ரொம்ப நல்ல பையன் ,சரக்க அடிக்காத எனக்கே இப்டி மப்பு ஏறிடிச்சுனா,உங்களுக்கு சொல்லவா வேணும்

வேற ஒன்னும் இல்லங்க குவாட்டர் கட்டிங் பட பாடல்களை தான் சொல்றேன்,மெய்யாலுமே செம கிக்கு ஏறுதுங்க,பாடம் வரிகளும் தாரு மாறு

குடி குடிய கெடுக்கும் தெரியுமடி
ஆனாலும் குடிக்க புடிக்குமடி
மப்பு கிக்கு பூஸ்ட்டு டக்கரு
குவாட்டரு மேட்டரு கிடைக்கலயே

ஓசில குவாட்டர் கட்டிங் ஊருகாய் டயலாக்குகளுடன் தராங்க,சும்மா எடுத்து குடிங்க :)

குவாட்டர் கட்டிங் உபயம் : தயாநிதி அழகிரி (படத்துலயும் நீங்க தானா)

====####====####====####====####====####====####====####====####====####====

6காட்டாருக்கு நான் ஒரு பெரிய நன்றி சொல்லியே ஆகனும்,எப்ப பாத்தாலும் இந்த பொட்டி முன்னாடியே குந்திகினு இருப்பேன், இப்பதான் தினமும் மூணு மணி நேரம் எங்கூர்ல கரண்ட அடக்கிடுரானுங்களா,வேற வழியே இல்லாம புத்தகம் வாங்கி படிக்க ஆரம்பிச்சுட்டன்

இப்ப படிச்சிகினு இருக்குறது பா.ராகவன் சாரின் "தலிபான்" என்ற புத்தகம்

====####====####====####====####====####====####====####====####====####====

எங்க போனாலும் இந்த பாகிஸ்தான் என்றாலே பிரச்சன தானா,பாகிஸ்தான் வீரர்களுக்கு இது ஒன்னும் புதுசு கிடையாது, நல்ல ஃபார்முல விளையாடிக் கொண்டு இருப்பானுங்க,திடீர்னு கப்பு வாங்குவானுங்க,திடீர்னு சஸ்பெண்டும் ஆவானுங்க,இதே பொழப்பா போச்சு

அதிலேயும் ஆசிப் போன வருசம் ஊக்க மருந்து பயன்படுத்தியாதா கண்டுபுடிக்க பட்டு ஒரு வருசம் ஓரமா ஒக்கார வச்சாங்க, அந்த ஒரு வருசத்துல ஒரு ஃபிகரையும் நல்லா உசார் பண்ணிட்டாரு, இப்ப திரும்பவும் சூதாட்ட மேட்டர்ல மாட்டிகிட்டாரா,பாவம் ஆசிப்பு

ஃபிகரும் போச்சு,மானமும் போச்சு(அது இருந்தா தான) எல்லாமே போச்சு :)

====####====####====####====####====####====####====####====####====####====

ரொம்ப நாளா நம்ம குத்தாலத்தான் மூஞ்சி புத்தகத்துக்கு வா வான்னு கூப்டுகிட்டே இருந்தான்,சீ என்னாடா இருக்கு அதுலன்னு நான் போகவே இல்ல

இப்பதான் FACEBOOK PROFILE கிரியேட் பண்ணிருக்கேன், ட்விட்டர் மாதிரிலாம் இல்ல ரொம்ப போர் அடிக்குது

யாராவது போட்டா,கீட்டா,வீடியோ,கீடியோன்னு அப்லோட் பண்ணுனா பாக்கலாம் அவ்ளோதான் ஒன்னும் தேறாது :(

====####====####====####====####====####====####====####====####====####====

ஞாயிற்றுக் கிழமை முதல் நானும் சென்னைவாசி ஆகப் போறேன் அதாங்க வரும் திங்கள் கிழமையிலிருந்து காலேஜ் போகணுமாமே, ஆஹா இனி கும்பளா கும்மி அடிக்க முடியாதேன்னு ரொம்ப கவலையா இருக்கு :(

எந்த காலேஜுன்னு கேக்குறீங்களா அதாங்க Eeshwari college of engineering,ramapuram

சென்னைக்கு நான் புதுசாச்சா ஒரு மாசத்துக்கு ஒரு ரூட்டும் எழவும் புரியாது அதையும் தான் பாப்போம் என்ன நடக்குதுன்னு :)

இனி ஜில்தண்ணி சென்னையிலிருந்து சப்ளை செய்யப்ப்டும்

இரவுக் கவிதையும் இரவல் கவிதையும்

2010-08-30T05:50:00.000-07:00

தூக்கம் எதிரியாய் தெரியும் சில இரவுகளில் மனதில் கிறுக்கியவை சில

*** இரவுக் கவிதைகள் ***

அவளெனும்
வீணையை மீட்டினேன்
உச்சஸ்தாயியில்
பிறந்தது
மௌன ராகம்....

###############################

இலக்கணமில்லா
கவிதையும் தீருமோ
அந்த
அழகின் இலக்கணத்திற்கு
முன்னால்

###############################

அன்று
வெட்கச் சிணுங்களில்
ஒளிந்து மறைந்தவள்
இப்போதும்
சிணுங்குகிறாள்
என்னுள்
ஒளிந்து கொண்டு

###############################

அவள்
பார்வையால்
தீணி போடாததால்
இப்போது பசியெடுத்து
கத்த ஆரம்பித்துவிட்டது
கா...கா....காதல்

*** இரவல் கவிதை ***

எத்தனை முறை தான் என்னோட கவிதைய படிச்சி அலுத்துப் போயிருப்பீங்க, அதான் ஒரு மாறுதலா இருக்கட்டுமேன்னு தோழி மதுர பொண்ணுகிட்ட சில கவித எழுதி கேட்டேன்...அதையும் பாருங்க

அன்பே உன் நினைவலைகள்
கனல் நெருப்பாய் என்னை
கடந்து செல்வதால்
கண்களை மூடினாலும்
அதிலும் நீ மட்டுமே தெரிகிறாய்.

^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^

உனக்கான அழகிய கவிதையொன்றை
அலசி கொண்டு இருந்த போது
உனக்கே உரித்தானதாய் ஒரு கவிதை
பறந்து வந்தமர்ந்தது

அதுவோ
உனக்கான கவிதை இந்த
உலகத்தில் இல்லை என்ற
செய்தியையே கொண்டு வந்து இருந்தது!

இதென்ன கல்வியா ?

2010-08-27T01:23:00.000-07:00

முஸ்கி : என்னடா என்னுமா தேடல்,இடைவேளை,சந்தேகம்ன்னு போன பதிவுல கொழப்புனவனாச்சேன்னு பாக்குறீங்களா,இனி நம்ம ரவுண்டு தான்

பத்தாம் வகுப்புத் தேர்வில் 500 க்கு 400க்கு மேல் எடுத்தவர்களை மட்டும் தேர்ந்தெடுத்து பதினொன்றாம் வகுப்புக்கு சேர்த்துக் கொள்கிறது சில பள்ளிகள் அதுவும் மெட்ரிக் பள்ளிகள்,இப்படி நன்றாக படிப்பவர்களை மட்டும் வைத்து பாடம் நடத்தி பரிட்சை எழுத வைத்து பின் பீத்திக் கொள்வது "மாவட்டத்திலேயே முதல் மதிப்பெண் பெற்ற பள்ளி" என்று

இது பெரிய சாதனை மயிரா,யோவ் பத்தாம் வகுப்பில் 250 எடுத்தவனுக்கு பயிற்சி கொடுத்து பனிரெண்டாம் வகுப்பில் முன்னேற்றி காட்டு ஒத்துக்குறேன்

அரசு பள்ளிகளிலிருந்துதான் விளையாட்டுத் துறைக்கு அதிக மாணவர்கள் வருகிறார்கள் என்பது சந்தோசத்திற்குரிய விசயம்,ஏன்னா முக்கால்வாசி மெட்ரிக் பள்ளிகளில் படிக்கும் மாணவர்களுக்கு விளையாட்டு வாய்க்காத ஒன்றாகிவிட்டதே

விளையாட்டுத்தான் சொல்லித் தரல பாடமாவது ஒழுங்கா சொல்லிக் கொடுக்குறானுவோளா இந்த மெட்ரிக் பள்ளிகளில் என்று பார்த்தால்,அதுவும் கவலைக்குரிய நிலை தான்

நான் படித்த மெட்ரிக் பள்ளி ஒன்றின் நிலைமையை பாருங்களேன்

@@ விளையாட்டுதான் இல்லையென்பதால் மைதானமும் இல்லை

@@ ஆசிரியர்களாக பணிபுரியும் அத்துனை பேரும் பெண்கள்,ஏன்னா அவங்க தான் கேள்வி கேக்காம கொடுக்குற சம்பளத்த வாங்கிட்டு போயிடுவாங்க

@@ LKG வகுப்புக்கு பாடம் நடத்துபவர் பட்டதாரியாக இருக்க வேண்டாம், பத்தாம் வகுப்புக்கு நடத்துபவர் கூட பட்டம் பெற்றவராக இல்லையே

@@ கல்லூரியில் வேதியல் படித்தவரை இங்கு வரலாறு நடத்த சொல்கிறார்கள்,அவரும் நடத்துகிறார் (வேறு வழி)

@@ ஒரு எழவையும் மாணவர்களுக்கு நடத்தாமல் பொட்ட மனப்பாடம் செய்ய சொல்லி பரிட்சை எழுத வைக்கிறாங்க

@@ விளையாட்டுமில்ல,பாடமும் நடத்த வக்கில்ல டாய்லட் கூடவா சுத்தம் செய்யாமையா இருக்கனும் கொடுமடா

@@ இவனுக கரெக்டா செய்யுற ஒரே வேலை என்னான்னா மாசம் ஒன்னாந்தேதி ஆனா FEES பணத்த வாங்கிடுறது தான்

@@ ஆயிரம்,ஐநூறுன்னு வேனுக்கு பணம் வாங்குறானுங்க,வேனோட நிலைமையா பாத்தா ரொம்ப கவலைக்கிடம்

@@ ஓட்டும் டிரைவருக்கு லைசன்சு இல்ல

@@ ஒரே ட்ரிப்பில் 60 பேரை ஏத்தி பிஞ்சுக் குழந்தைங்க உசுரெடுக்குறது

@@ இவனுக கெட்ட கேட்டுக்கு டொனேஷனும் எட்டாவது சேர்க்க என்ட்ரன்சு எக்சாமும் ஒரு கேடு :(

இந்த மாதிரி பள்ளிகளில் படித்துவிட்டு எங்க போய் கிழிக்கிறது,என்னுமோ சமச்சீர் கல்வி வரப்போகுதாமே,அது என்ன கிழிக்கிதுன்னு பாப்போம்

ஒரு சிறிய இடைவேளை தேவை

2010-08-26T12:09:00.000-07:00

வாழ்க்கை புத்தகத்தின் தலைப்பை கூட முழுதாய் படிக்கவில்லை

அதற்குள் பல வருடங்கள் ஓடிவிட்டன

பாலைவன வெற்றிடமாய் இருக்கிறது மூளை

கற்றது கையளவு கூட இல்லை கடுகளவு தான்

ஒரு மூன்று மாதமாய் குடியிருந்த பதிவுலகத்திற்கும் எனக்கும் இடையில் ஒரு வெற்றிடம் உருவாகியிருக்கிறது,எழுத நினைத்ததை எழுத முடியவில்லை,எங்கெங்கோ அலைகிறது மனசு

ஆனால் ஒன்று மட்டும் தெரிகிறது இப்படியே இருந்துவிட முடியாது,எதாவது செய்தே தீரணும்

எனக்குள் நிறைய குழப்பங்கள் இருக்கு ??
நான் நானாகவே மாறணும்
நிறைய படிக்கனும்
நிறைய சிந்திக்கனும் சந்திக்கனும்

அது வரை பதிவுலகை விட்டு சற்றே விலகி இருக்கிறேன்,இது என் தேடலின் துவக்கம் தான்

மீண்டும் வருவேன்
நானாய்

வெறும்பயலுக்கு பாராட்டு விழா

2010-08-21T03:20:00.000-07:00

பதிவுலகில் மிகப் பெரிய சாதனை நிகழ்த்தப்பட்டுள்ளது

ஒன்றல்ல.............................. பத்தல்ல...................................

நூறு கவிதைகள் ஒரே பதிவில்....யாரால் முடியும்

என் நண்பன் வெறும்பயலால் மட்டுமே முடிந்தது

அவனை பாராட்டி பட்டம் வழங்கத்தான் இந்த பதிவே

வெறும்யலை பாராட்டி ஒரு கவித

நீ வெறும்பயலல்ல
பெறும்பய (கீழுள்ள போட்டோவை பார்க்கவும்)

ஒன்றும் தெரியாதென்று சொன்னாய்
ஒன்னு ரெண்டு முழுசா தெரிஞ்சிருக்கே

சிங்கப்பூர் கண்டெடுத்த சிங்கமே !!!
சினம் கொள்ளாத சிவனே :(

சிரிப்பு போலீசிடம் கூட
சிக்காத சில்வண்டே

இவரு வெறும்பயலாம் :) நம்புங்க

அண்ணன் தேவா இப்போது வெறும்பயலுக்கு கவிஞர் வெறும்பாதி என்ற பட்டத்தை அளிப்பார்

ம்ம்ம் போதும் போதும் ஆட்டுக்கு அருள் இன்னும் அருள் வரலையே....
அடிங்கடா

டண்டனக்குட டணக்குனக்குட டண்டனக்குட டணக்குனக்குட
டண்டனக்குட டணக்குனக்குட டண்டனக்குட டணக்குனக்குட
டண்டனக்குட டணக்குனக்குட டண்டனக்குட டணக்குனக்குட

செல்வா....சௌந்தர்...ஆளாலுக்கு ஒன்னு எடுத்துக்கங்க,ஆடும் ரெடி ...

வெட்டும் போது அடிபட்டுவிட கூடாது நம்ம நண்பனாச்சேன்னு ஹெல்மெட் போட்டு விட்டுறுக்கோம்

மொத வெட்டு நாங்கதான் வெட்டுவோம் (செல்வா/சௌந்தர்/நான்)

அடுத்து உங்க ரவுண்டு தான்....பூந்து வெட்டுங்க
கறி நிறைய தேறும் போல
சிங்கப்பூருக்கே இன்னக்கி செம தீணி தான் வாங்க வெட்டுங்க ஆட்ட :)

கோக்குமாக்கு (19 / 08 / 10 ) - இசை ஸ்பெஷல்

2010-08-18T11:43:00.000-07:00

கோக்குமாக்கு என்னடா புதுசா இருக்கேன்னு பாக்குறீங்களா வேற ஒன்னுமில்லங்க கலந்து கட்டுறதுக்குதான்

**********************************************************************

ரணம் சுகம்னு ஒரு மியூசிக்கல் நாவல் வந்துருக்குங்க, அதுல எனக்கு கிடைச்சது அதன் இசை மட்டும் தான், ரணங்களையும் சுகமாக ரசிக்கும் அந்த பாடல்கள் அத்தனையும் எனக்கும் ரொம்ப பிடித்துவிட்டது

இந்த இசை தொகுப்பில் ஒரு பத்து பாடல்கள் இருக்கு, காதலை வைத்து ஒரு மூன்று பாடல்களும், நட்பிற்கு ஒரு மூன்று பாடல்களும் என்று பின்னியெடுத்துருக்காங்க

இசையோடு வரிகளும் சேர்ந்தே போட்டி போடுகிறது

மாற்றம் மாறலாம்

நாளை மாறியே போகலாம்

இது மாறினாலும்

நம் நட்பு மாறிப் போகுமா......

நீங்களும் ஒருக்கா தரவிறக்கி கேட்டு பாருங்க பிடித்துவிடும்

_______________________________________________________________________________

அப்பரம் இத சொல்லியே ஆகனும் ஜி.வி.பிரகாஷும், தமனும் யுவனை ஓரம் கட்டி வருகிறார்கள், அதுவும் தமன் தாருமாறாக வளர்ந்து வருகிறார்,வெஸ்டர்னில் பூந்து பட்டைய கிளப்புறார்

இப்பலாம் எந்திரன் பாட்டுகளை தாண்டி தமனின் ஆத்தாடி ஆத்தாடி(அய்யனார்) பாடலையும்,சாட்டர் டே கேர்ளோடு (அரிது அரிது) பாடலையும் கேட்டுக் கொண்டிருக்கிறேன்னா பாத்துக்குங்க

யுவனுக்கு நிறைய சான்சுகள் கிடைத்தும் அவர் பாடும் பாடல்கள் மட்டுமே ஹிட் ஆகுது,இப்படியே போனால் கண்டிப்பாக யுவன் ஓரத்தில் தான் நிற்பார்
________________________________________________________________________________

இசையை பற்றி சொல்லிவிட்டு இசைராஜாவை பற்றி சொல்லாமல் எப்படி,இளையராஜாவின் ரமண மாலை,திருவாசகம்,NOTHNG BUT WIND,HOW TO NAME IT போன்ற இசை தொகுப்புகளை நீங்க கேட்டிருக்கிறீர்களான்னு தெரியல

திருவாசகத்தை ஒரே ஒரு முறை மனதுவிட்டு கேட்டு பாருங்கள் ,உருகி விடுவீங்க,ஆனா ஒரு பொறுமை வேணும் இவைகளை கேட்க

எனக்கு ரமணமாலையின் காரணமின்றி கண்ணீர் வரும் உன் கருனை விழிகள் கண்டால் பாடலை கேட்காமல் தூக்கமே வராது
_____________________________________________________________________________

துக்குலோண்டு இருந்துகிட்டு எப்புடியெல்லாம் பாட்டு போடுது,யார சொல்றேன்னு புரியலயா JUSTIN BIEBER ன்னு ஒரு பய புள்ள ஆங்கில பாப் பாடல்கள் போடுதுங்க,சமீபத்துல ஜாக்கியும் ஜேடனும் இனைந்து நடித்த தி கராத்தே கிட் படத்துலையும் ஒரு பாட்டு போட்டிருக்கிறார்,தாரு மாறு போங்க

இந்த ஸ்கூல் பையனுக்கு ட்விட்டர்ல எவ்வளவு ஃபாலோயர்சு தெரியுமா
4,588,126 இது என்ன லட்சமா இல்ல கோடியா :)

______________________________________________________________________________

நான் எந்த வகை பாடலையும் விட்டு வைக்கிறது கிடையாது, ஆமாம் ராப் இசை பாடல்களும் எனக்கு ரொம்ப பிடித்த ஒன்று, பாட்ட பாடச் சொன்னா பேசுறானுங்க என்னா வேகத்துல,ஆனா அதுவும் செமயாத்தானே இருக்கு

ரொம்ப நாளுக்கப்புறம் இன்னக்கு யோகி பி-யின் மடை திறந்து தாவும் நதியலை பாடலை கேட்டேன்,எப்பவும் போல அதே செம ராப்

கவிதை குண்டர் என்ற ராப் இசை தொகுப்பு ஒன்னு இருக்கு ,அடிக்கடி சாயந்தர நேரத்தில் சன் மியூசிக்கில் போடுவானுங்களே BAD BOY I AM A GOOD BOY அந்த பாடல் இதுல தான் இருக்கு

அப்பரம் இந்த தொகுப்பில் எனக்கு மிகவும் பிடித்த பாடல் ஒன்னு இருக்கு , மும்பை குயில் நேஹா பாசினின் வசீகர குரலில் உள்ள பாடல்

தனியே என் பக்கம் வேண்டும் துனையே

இரவு நேரம் விழிகள் உனையே

ராப் பாடல்கள் என்னன்னு புரியிலன்னாலும் ஒரு பவர் இருக்கு
________________________________________________________________________

கொசுறுக்கு :

சிக்கு புக்குனு ஒரு படம் பாடல் ரிலீசு ஆயிருக்கு, யாரோ COUSINS சாமே அவுக உபயம் தானாம் , புதுசா இருக்கே கேக்கலாமுன்னு தரவிறக்கினேன் , கேட்ட பிறகு தான் தெரிஞ்சிச்சி

"இவனுக பாட்டு போடலன்னு யார் அழுதா"
உபயம் : குத்தாலத்தான்

அப்டியே இன்னொன்னும் சொல்லிக்கிறேன் இப்ப என்னய இந்த ஜில்தண்ணிய நம்பி 100 ஃபாலோயர்சு வந்துட்டாங்க,ட்ரீட்லாம் கேக்க பிடாது..........ஆமாம்

உமா சங்கருக்காக அரசுக்கு ஒரு கண்டனம்

2010-08-17T21:58:00.000-07:00

தமிழக அரசு வெளியிட்டுள்ள அறிக்கை:

இந்திய ஆட்சிப்பணியில் சேர்வதற்காக செ.உமாசங்கர், தனது இருப்பிடம், மதம் ஆகியவற்றை மாற்றி ஆதி திராவிட இனத்தைச் சார்ந்தவர் என்று தவறான சாதிச் சான்றிதழ் பெற்றுள்ளார் என்ற புகார்களின் அடிப்படையிலும், அவர் படித்த பள்ளி, கல்லூரி, தேர்வு இயக்ககம் மற்றும் தொடர்புடைய அலுவலகங்கள் ஆகியவற்றிலிருந்து பெறப்பட்ட ஆவணங்களின் அடிப்படையிலும், அனைத்திந்திய ஆட்சிப் பணி (ஒழுங்கு மற்றும் மேல்முறையீடு) விதிகள், 1969-ல் மாநில அரசுக்கு வழங்கப்பட்ட அதிகாரத்தின் அடிப்படையில் இவர் தொடர்ந்து பணியில் நீடிப்பது பொதுநலனுக்கு உகந்தது அல்ல என்பதாலும், இதுதொடர்பாக ஒழுங்கு நடவடிக்கை மற்றும் உரிய அமைப்பின் மூலம் விசாரணை மேற்கொள்ள இருப்பதாலும் உமா சங்கர், அரசால் தற்காலிக பணிநீக்கம் செய்யப்பட்டு உள்ளார்.

என் கண்டனங்கள்

உமாசங்கர் I.A.S. இதுவரை அதிகாரியாக சென்றவிடமெல்லாம் நல்ல பல சேவைகளை மக்களுக்கு அளித்தவர் என்பது வெள்ளிடை மலை. புதிய திட்டங்கள், செயல் முறைகள் என்று தனக்கென ஒரு பாணியில் நற்பணி செய்து வந்த அவருக்கு இன்றைய அரசு அளித்துவரும் "தண்டனை" , அதற்குரிய காரணம் எல்லாமே என் போன்ற ஒரு குடிமகனுக்கு மிகுந்த வருத்தத்தை அளித்துள்ளது.

அரசு இது போன்ற அதிகாரிகளுக்கு தண்டனைகளைத் தருவதற்கு என் ஆழ்ந்த வருத்தத்தையும், கண்டனத்தையும் இவ்விடுகை மூலம் தெரிவித்துக் கொள்கிறேன்.

உமா சங்கர் அவர்களை ஆதரிக்கும் பதிவுகள்

http://pattikattaan.blogspot.com/2010/08/blog-post_18.html
http://mathurabulletpandi.blogspot.com/2010/08/blog-post.html
http://vssravi.blogspot.com/2010/08/ias.html
http://pattapatti.blogspot.com/2010/08/blog-post_18.html
http://ponniyinselvan-mkp.blogspot.com/2010/08/blog-post_16.html
http://priyamudanvasanth.blogspot.com/2010/08/ias.html

http://vennirairavugal.blogspot.com/2010/08/blog-post_17.html

http://dharumi.blogspot.com/2010/08/427.html

http://feelthesmile.blogspot.com/2010/08/ias.html

http://kalvetu.blogspot.com/2010/08/blog-post.html

உங்கள் கண்டனத்தை இங்கும் கையெழுத்தாக பதியுங்கள்

நான் பள்ளிக்கூடம் போறேனே

2010-08-15T10:43:00.000-07:00

புட்டிப் பால் குடிப்பதை கூட அப்போது நிறுத்தல அதற்குள் பள்ளிக்கூடத்துல சேத்துட்டாங்க, எங்க வீட்டுக்கு எதிர்புறமே ஒரு கான்வென்ட் வேறு இருந்ததால் வசதியா போச்சு டபாருன்னு அட்மிஷன் போட்டாச்சு

நோட்டு,புத்தகங்கள்,குச்சி டப்பா,பேக் எல்லாம் வாங்கிட்டு வந்தாங்க அப்பா,பள்ளிக் கூடம் திறப்பதற்கு மூணு நாளுக்கு முன்னாடிலேர்ந்தே எல்லாத்தையும் அடுக்கி வச்சி புது பேக்க மாட்டிகிட்டுதான் நின்னுகிட்டு இருப்பேன்(பேக்கு பேக்க மாட்டிகிட்டு நின்னுச்சு )

ஸ்கூல் திறக்குற நாளும் வந்துச்சி,காலையிலேயே குளிப்பாட்டி (அப்பலாம் கரெக்டா குளிச்சருவேன் தெரியுமா ),எண்ணெய் வச்சி முடிய நல்லா படிய சீவி, யூனிஃபார்மு,டை எல்லாம் ஜோரா ரெடி பண்ணிட்டாங்க அம்மா

நான் மொத முறையா பள்ளிக்கூடம் போறதப் பார்க்க ஒரு ஊரே வந்துட்டுனா பாத்துக்குங்க(எங்க சொந்தக்காரங்களதான் சொன்னன் ) , நானும் சிரிச்சிகிட்டே கிளம்பிட்டேன் , ஸ்கூல்ல விட்டுட்டு எங்க சித்தப்பாவும்,அப்பாவும் வீட்டுக்கு வந்துட்டாங்க

அதுவரைக்கும் ஒன்னும் தெரியல ஸ்கூல்குள்ள போனா எல்லா பயபுள்ளைகளும் அழுதுகிட்டு இருக்கு, அப்பரம் நான் மட்டும் சும்மாவா இருப்பேன் ( நாங்க சிங்கமுல்ல) ,அழுது அழுது புது டையிலேயே மூக்க தொடச்சிப்பேன்

மதியம் சாப்பாடு ஊட்ட அம்மா அழைத்து போக வந்தாங்க,ஜாலியா சிரிச்சிகிட்டே வீட்டுக்கு வந்தேன்,டை பூறா மூக்கு சலிய பாத்து அம்மா கேட்டாங்க அழுதியா கண்ணு :) திரும்பவும் மூக்க தொடச்சிகிட்டு ம்ம்ம் திரும்ப அழுக

அழக்கூடாது நல்ல புள்ளல, அம்மா மம்மு எடுத்துட்டு வரேன்னு அடுப்படிக்கு போனாங்க, என்னடா மம்மு கொடுத்துட்டு திரும்ப ஸ்கூல்ல கொண்டு போய் விட்டுடுவாங்களான்னு யோசிச்சேன்,ஐடியா வந்துச்சி : )

வீட்ல பாட்டி தூங்கிகிட்டு இருந்தாங்க,அவுங்க பக்கத்துலயே நானுன் படுத்து தூங்குற மாதிரி கொஞ்ச நேரம் தூங்குற மாதிரி நடிச்சேன் அப்பறம் உண்மையாவே தூங்கிட்டேன் (என்ன வில்லத்தனம்)

அம்மா எழுப்பி பாத்துட்டு பாவம் சின்ன புள்ள தூங்கிடுச்சேன்னு எழுப்பாம விட்டுடாங்க,அன்னக்கி பொழுத ஓட்டியாச்சு :)

மறுநாள் வீட்ல கிளம்பும் போதே அழுகாச்சி தான்,ரகலை தான்(காலையில யாரும் தூங்கலயே ),இன்னக்கி மட்டும் ஸ்கூலுக்கு போகலன்னு ஒரே அடம் தான்,அதுக்குள்ள எங்க ஸ்கூல் வாத்தியார போய் கூப்டு வந்துட்டாங்க அப்பா

என்ன அழுக இப்ப வரியா இல்லாயான்னு அவரு அதட்டினாரு பாருங்க,இருந்த அழுக எங்க போனுச்சுனே தெரியல,அப்ப எனக்கு வாத்தியார்னா ஒரு பயம் அடிப்பாருன்னு வீட்ல சொல்லி சொல்லி பயமுறுத்தி வச்சிருந்தாங்க ( இப்ப அந்த வாத்தியார பாத்தா காமெடியா தெரியது)

அவர் என்ன குண்டுகட்டா தூக்கி அவர் தோல் மேல வச்சிகிட்டு ஸ்கூலுக்கு போயிட்டார் , நானும் பயத்துல அழவே இல்லனா பாத்துக்குங்க :)

அதுலேர்ந்து அழுகைய கொறச்சிகிட்டேன் :) நல்ல புள்ளையா ஸ்கூல் போனேன்(இப்ப வரைக்கும் முதல் வருடம் காலேஜ் போகக் கூட அழலன்னா பாத்துக்குங்க)

என்னுகிட்டேந்து பலப்ப குச்சை ஒருத்தன் புடிங்கிட்டான்,அவன என்ன செஞ்சேன்னு இன்னொருவாட்டி சொல்றேன்,ரைட்டா :)

பதிவுலகில் ஜொள்ளும் ஜில்லும்

2010-08-10T07:12:00.000-07:00

ஊரே நான் எப்படிப்பட்டவன் !!! நான் எப்படிப்பட்டவன்னு கேள்வி கேட்டுகிட்டு அலையுது, இப்ப என்னையும் கேக்க வச்சிட்டாரு நம்ம நண்பன் வெறும்பய
சரி அதையும் பாத்துடலாம் வாங்க

முதலில் இந்த தொடர் பதிவை என்னை எழுத அழைத்த வெறும்பயலுக்கு கட்டிச் சட்னியுடன் செட் தோசை பார்சல்

1. வலைப்பதிவில் தோன்றும் உங்கள் பெயர்?

முதலில் வெறும் ஜில்தண்ணி என்று தான் வைத்திருந்தேன்,அப்பரம் என்னுமோ தந்தை பெரியார்,அறிஞர் அண்ணா மாதிரி நானே என் பெயருடன் ஜில்தண்ணி - யோகேஷ் என்று போட்டுக் கொண்டேன்

2. அந்தப் பெயர் தான் உங்கள் உண்மையான பெயரா? இல்லை எனில் பதிவில் தோன்றும் பெயரை வைக்க காரணம் என்ன?

என் உண்மையான முழு பெயர் யோகேஷ்வரன்

ஜில்தண்ணினு வைக்க காரணம் சுடுதண்ணி அவர்களின் பதிவுகளின் மேல் உள்ள ஈர்ப்பு தான் காரணம்,பதிவுலகில் நிறைய பேர் என்னை ஜில்லு என்றுதான் கூப்பிடுவார்கள்.

3. நீங்கள் தமிழ் வலைப்பதிவு உலகில் காலடி எடுத்துவைத்ததைப் பற்றி..

இந்த பதிவுகள் அப்டின்னு ஒன்னு இருக்குறதே சுடுதண்ணி அவர்களின் பதிவை படித்த பின்பு தான் தெரியவந்தது,அவர் பதிவுகளில் வரும் பின்னூட்டத்தில் மூலம் நிறைய நண்பரக்ளின் பதிவை படிக்க ஆரம்பித்தேன்,படிக்க படிக்க எனக்கும் ஆசை வந்துவிட்டது எழுத

4. உங்கள் வலைப்பதிவை பிரபலமடையச் செய்ய என்ன என்னென்னவெல்லாம் செய்தீர்கள்?

எல்லாமே செய்திருக்கிறேன்

பின்னூட்டத்தில்,chat ல்,ஆர்குட்டில்,ட்விட்டரில் இப்படி எல்லாவற்றிலும் என்னை மற்றவர்கள் தெரிந்து கொள்ள வேண்டும் என்று என் பதிவுகளை போட்டிருக்கிறேன்

நான் நாலு பேர படிக்க ஆரம்பித்தேன் என்னை நாலு பேர் படிக்க ஆரம்பித்தார்கள்,அப்படியே நட்பு வட்டம் விரிந்தது

வலைச்சரத்திற்கும் இதில் பங்கிருக்கிறது
சை.கொ.ப,சேட்டைகாரன்,கே.ஆர்.பி அண்ணே,நீச்சல்காரன்,புலவன் புலிகேசி ஆகியோரால நானும் என் பதிவும் அறிமுகப்படுத்தப்பட்டோம்,அதன் மூலமும் நண்பர்கள் என் பதிவிற்கு வந்தார்கள்

5. வலைப்பதிவின் மூலம் உங்கள் சொந்த விஷயத்தை பகிர்ந்து கொண்டதுண்டா? ஆம் என்றால் ஏன்?அதன் விளைவு என்ன? இல்லை என்றால் ஏன்?

அவ்வப்போது இங்கு பகிர்ந்துகொண்டுள்ளேன்,இனியும் பகிர்வேன்

விளைவு என்னை என் மனநிலையை மற்றவர்கள் ஓரளவுக்கு இதனால் புரிந்து கொண்டார்கள் என்று நினைக்கிறேன்

6. நீங்கள் பொழுதுபோக்குக்காக பதிவுகளை எழுதுகிறீர்களா அல்லது பதிவுகளின் மூலம் சம்பாதிப்பதற்காகவா?

ம்ம்ம் முழு நேர பொழுதுபோக்காகத்தான் ஆரம்பித்தது எனக்கு நிறைய சம்பாதித்து கொடுத்தது நண்பர்களை தான்

7. நீங்கள் மொத்தம் எத்தனை வலைப்பதிவுகளுக்கு சொந்தக்காரர்? அதில் எத்தனை தமிழ் வலைப்பதிவுகள் உள்ளன?

இரண்டு பதிவுகளும் தமிழில் தான் இருக்கிறது

ஒன்று இந்த ஜில்தண்ணி

இன்னொன்று நண்பன் குத்தாலத்தானுடன் இனைந்து குத்தாலத்தான்ஸ் என்ற பதிவும் தொடங்கியிருக்கிறோம்

8. மற்ற பதிவர்கள் மீது எப்போதாவது உங்களுக்கு கோபம் அல்லது பொறாமை ஏற்பட்டது உண்டா? ஆம் என்றால் யார் அந்த பதிவர்? ஏன்?

யார் மீதும் கோபம் வந்ததில்லை,நிறைய பதிவர்களை பார்த்து டன் கணக்கில் பொறமை பட்டிருக்கிறேன்

அவர்களில் வால் பையன், பனித்துளி சங்கர் அண்ணே,சகோதரர் தேவா , அண்ணன் பட்டறை ஷங்கர்,ஹாலிவுட் பாலாண்ணே ,சைவ கொத்து பரோட்டா, வெறும்பய,பிரசன்னா இப்டி இன்னும் பெரிய லிஸ்டே இருக்கு ,இவர்களை படித்து படித்து பொறாமை படாத நாட்களே இல்லை

ஏன் பொறாமை என்றால், எப்டித்தான் இப்டி எழுதுறாங்க,அவங்களுக்கும் மனித மூளை தானே இருக்கும்,பின்ன எப்படி என்று யோசித்து யோசித்து பொறாமை பட்டிருக்கிறேன்

9. உங்கள் பதிவை பற்றி முதன் முதலில் உங்களை தொடர்புகொண்டு பாராட்டிய மனிதர் யார்? அவரைப் பற்றி, அந்த பாராட்டைப் பற்றி..

முதல் பதிவிலேயே பின்னூட்டமிட்டு பாராட்டியவர் அண்ணன் LK அவர்களும் சகோ ஆனந்தியும.

அதன் பிறகு நிறைய பாரட்டுக்கள் மீண்டும் மீண்டும் எழுத எனக்கு உத்வேகமாக இருந்தது

என் அலைபேசி எண்ணை விடாப்படியாக வாங்கி என்னிடம் பேசி பாராட்டியும் என்னை மெருகூட்ட ஐடியாக்களையும் தந்தவர் பனித்துளி சங்கர் அண்ணன் அவர்கள்

அப்பறம் chatting-ல சகோதரர் தேவாவும்,சிரிப்பு போலீசு ரமேஷ் அண்ணனும் வந்து பாராட்டியது எனக்கு மிகப் பெரும் உத்வேகமளித்தது எதாவது உருப்படியாக எழுத

இப்போதும் ரசிகன்-மகேஷ்,பிரசன்னா,வெறும்பய,கோமாளி போன்ற நட்புகளின் அன்பால் நான் இங்கு இருக்கிறேன் ,இருக்க முடிந்தது

10. கடைசியாக, விருப்பம் இருந்தால் உங்களைப் பற்றி பதிவுலகத்துக்கு தெரிய வேண்டிய அனைத்தையும் பற்றி கூறுங்கள்..

கண்டிப்பா என்ன பத்தி இன்னும் நிறைய சொல்ல வேண்டியிருக்கு

முடிவா சொல்லிக்கிறேன் பதிவுலகில் நான் ஒரு

லொள்ளு - ஜொல்லு - தில்லு - ஜில்லு

இன்னும் நிறைய பேரை சொறிந்துவிட வேண்டும், இதை தொடர அழைப்பவர்கள்

மகேஷ் - ரசிகன்
கொத்துபரோட்டா பிரசன்னா
இந்திராவின் கிறுக்கல்கள்
நான் வாழும் உலகம் - ரியாஸ்

எழுதுங்க !!!! தெரிஞ்சிக்கிறோம்

தோழி(கள்) தேவை

2010-08-06T01:55:00.000-07:00

தோழியை அப்டேட்டாக வைத்திருக்கும் அண்ணன் கார்க்கி இப்போது மணமகளை தீவிரமாக தேட ஆரம்பித்திருக்கிறார்,இனி அவர் தோழியை அவ்வளவாக எதிர்பார்க்க முடியாது என்பதால்,நான் அந்த பணியை சிரம் மேற்கொண்டு தொடரலாம்னு நினைக்கிறேன்(நீங்க என்ன சொல்றீங்க)

சாப்டியா டா,குளிச்சியா டா,படிச்சியா டா,என்ன படம் பாக்குற?, டேய் தூங்கு மூஞ்சி ! ,இப்டில்லாம் குறுஞ்செய்தியில் நண்பர்களின் தோழிகள் அனுப்புறதும்,போன் பண்ணி ஜாலியா கலாய்ப்பதும் பார்த்தா,எனக்கு ஒரே
stomach fire ஆயிடுது (எனக்கு மட்டும் ஆசையா இருக்காதா பின்ன)

எவ்வளவு நாள் தான் நாமளும் இருக்குற மாதிரியே சீன் போடுறது (அப்ப ஒரு கேர்ள் ஃப்ரெண்டும் இல்லயா)

அதனால் சரி நாமளும் ஒரு தோழிய கண்டுபிடிக்கலாமுன்னு ட்விட்டர்,ஆர்குட்,ஹை 5 ன்னு போகாத இடம் கிடையாது ,கும்பிடாத பெண் தெய்வங்கள் கிடையாது

ஆர்குட்ல கிடச்ச ரெண்டு தோழிகள்ட ஆர்வக் கோளாருல ஆன்லைனில் chat செய்தேன்,விளைவு ஆன்லைனிலேயே செருப்பு வந்ததுதாங்க மிச்சம்(ஒன்ணே ஒன்னு தான் வந்தது)

அதனால் இப்ப கேக்குறது என்னன்னா ஒரே ஒரு நல்ல தோழி ( நாளைந்து பேர் மட்டும் கிடைத்தாலும் பரவாயில்ல),அதுக்கு இந்த பயடேட்டா

பெயர் : யோகேஷ்வரன்

(தோழிக்கு பெயரே இல்லனாலும் பரவாயில்ல அம்மு,பம்முனு எதாவது வச்சி கூப்டுக்குறேன்)

வயசு : வாலிப வயசு 20

(தோழிக்கு 18 to_ _ இருந்தா தேவலாம்)

தொழில் : இன்னும் படித்தே முடிக்கல

(தோழியும் அப்டியே )

பாலினம் : ஆண்

(தோழி கண்டிப்பா பொண்ணாதான் இருக்கனும் : ) )

ஊர் : தமிழ்நாடு

(தோழி யூ.எஸ் -ல இருந்தாலும் பரவாயில்ல)

குணம் : ஊருக்குள் நல்லவன் மனதில் _ _ _வன்

( தோழி வில்லியாக கூட இருக்கலாம்)

உயரம் : ஷூ போடாமலே 6 அடி ஆம்பள

( தோழிக்கு ஹீல்சு அலவன்சு உண்டு)

பொழுதுபோக்கு : பந்து பொறுக்கி போடுறது(கிரிக்கெட்டாமே),புத்தகத்தில்

ஸ்டில் பார்ப்பது

(தோழிக்கு பொழுதுபோக்குன்னு ஒன்னுமே இல்லனாலும் பரவாயில்ல அதுக்குதான் நான் இருக்கேனே)

நல்ல பழக்கம் : அப்பாவி போல ஊர்ல மூஞ்ச வச்சிக்கிறது

(தோழிக்கு சீக்ரட் சொல்லித் தரப்படும்)

கெட்ட பழக்கம் : மொக்கை போடுவது

(தோழியிடம் இது இருக்க கூடாது)

நம்புவது : இதுவரை என் கண்'னை மட்டும்

(வா தோழி உன்னை )

நம்பாதது : என்னையும் சேர்த்து

(தோழி(கள்)யை மட்டும் நம்பலாம்னு இருக்கேன்)

பிடித்த இடம் : கோவில் (அங்காவது எதாவது??? கிடைக்குமான்னுதான்)

சமீபத்திய சாதனை : முழுசா அரை மணி நேரம் சுழிய ஒரே இடத்தில் அமர

வைத்திருப்பது(இங்க பதிவுல தான்)

நீண்ட கால சாதனை : என் முகத்தை கண்ணாடியில் பார்ப்பது : (

( தோழி(கள்) பயப்பட வேண்டாம் Fair and Handsome
வாங்கி பயன்படுத்துறேன் இன்றிலிருந்து)

உறுதிமொழி :

கிடைக்கும் தோழி(கள்)யிடம் என் பதிவை படிக்க சொல்லி கொடும படுத்த மாட்டேன் என்று இந்த பதிவின் மூலம் உறுதியளிக்கிறேன்

டிஸ்கி : 1 : இது காமெடிக்கு அல்ல,மெய்யாலுமே எனக்கு தோழி(கள்) வேனுங்க

டிஸ்கி : 2 : ஆர்வமுள்ள தோழி(கள்) இங்கோ,என் மின்னஞ்சலிலோ, ட்விட்டரிலோ, தெரிவிக்கவும்(வெக்கமா இருந்தா சொல்லுங்க நாம போன்ல பேசிக்கலாம்)

டிஸ்கி : 3 : ஏமி ஜாக்சன் இங்கு வந்து தன்னை தோழியாக ஏற்றுக் கொள்ளும்படி கெஞ்சினாலும் கதறினாலும் ஏற்றுக் கொள்ள மாட்டேன்(அவள வேற லிஸ்ட்ல வச்சிருக்கேன்)

டிஸ்கி : 4 : பதிவுலக நண்பர்களே உங்களுக்கு தெரிந்த எதாவது நல்ல,கெட்ட பொன்னுங்க இருந்தாலும் சொல்லி உதவி பண்ணுங்க : )

குறிப்பு : இதன் மூலம் ஒரு தோழியாவது கிடைத்தால் பின்னூட்ட குலசாமிக்கு கோழி அறுத்து படைக்கிறேன்

மன்னாதி மன்னன் - ஹர்சவர்த்தனர்

2010-08-04T03:44:00.000-07:00

வரலாற்றை படிப்பதனால் அப்படி என்ன தெரிந்து விடப் போகிறது,எல்லாம் முடிந்து போன விஷயம் தானே என்று நினைத்துக் கொண்டிருந்தேன்,இந்த பதிவை எழுத நிறைய மன்னர்களை பற்றி புத்தகங்களை தேடி படிக்க ஆரம்பித்தேன்,அதில் இந்த மன்னனை மட்டும் தெரிந்து கொள்ளவில்லை,அந்த காலத்தில் இருந்த சமயங்கள்,பண்பாடுகள் பற்றி அறிய இந்த பதிவு எனக்கு உதவியது

இந்த அருமையான பதிவை என்னை எழுத வைத்த,தொடர் பதிவிற்கு அழைத்த நண்பன் ரசிகன்:மகேஷ் க்கு நன்றிகள் பல

ரசிகன் : மகேஷ் அவர்களின் மன்னாதி மன்னன் - சந்திரகுப்த மௌரியர் பதிவு
_____________________________________________________________________________

கி.பி ஏழாம் நூற்றாண்டில் அரசியல் மேடை ஏறியவரும் கடைகி மிகப்பெரும் புத்த மத மன்னருமான ஹர்சவர்த்தனர் வரலாற்றுப் புகழ் பெற்ற மன்னராவார்.

முடிசூட்டல்

கி.பி ஏழாம் நூற்றாண்டின் தொடக்கத்தில் நரவர்த்தனர் என்பவரால் இந்த வம்சம் நிறுவப்பட்டது, அவரை தொடர்ந்து ஆதித்யவர்த்தனரும்,பிரபாகவர்த்தனரும் ஆட்சி செய்தனர்,பிரபாகவர்த்தனரின் மறைவுக்கு பின்னர் இராஜ்ய வர்த்தனர் அரியனை ஏறினார்

ஹீனர்களை (ஊனர்கள்) அடக்கி தானேசுவரத்தை கைபற்றினார்,அதே சமயம் மாளவ மன்னன் தேவகுப்தன் ஹர்சரின் சகோதரி ராஜ்ஸ்ரீயின் கணவரை கொன்றுவிட்டு ராஜ்யஸ்ரீயையும் தன்னோடு அழைத்துச் சென்று சிறை வைத்தான்

அதை அறிந்த ராஜ்யவர்த்தனர் தேவகுப்தன் மீது போர் தொடுத்து வெற்றியும் பெற்றான்,ஆனால் அதன் பின் சில சூழ்ச்சியால் சசாங்க மன்னனால் கொல்லப்பட்டான்

அப்போது ஹர்சருக்கு வயது பதினாரே நிரம்பிய நிலையில் ஹர்சவர்த்தனராக முடிசூட்டிக் கொண்டார்,ஆட்சிப் பொறுப்பேற்றவுடன் சசாங்கனை பழிவாங்கி தன் சகோதரி ராஜ்யஸ்ரீயையும் மீட்டான்

ஆட்சி முறை

அதுவரை தானேசுவரத்தை தலைநகராக கொண்டு தான் அனைவரும் ஆட்சி செய்து வந்தனர்,ஆனால் ஹர்சர் கன்னோசியையும் அதனுடன் இனைத்து மாபெறும் சாம்ராச்சியத்தை உருவாக்களானான்.

மிகப்பெரிய பேரரசு பரந்து விரிந்திருந்ததனால்,ஆட்சி செய்ய கடினமாய் இருந்தது,அதனால் சிற்றரசர்களை அச்சுருத்தவும்,உள்நாட்டுக் குழப்பங்களை தீர்க்கவும் ஒரு மிகப் பெரிய படையை 60,000 யானைகளையும், 1,00,000 குதிரைகளையும் வாங்கி உருவாக்கலானான் என்று குறிப்புகளில் உள்ளது

படைபலம் மட்டுமன்றி நட்பையும் பெருக்கலானார்,அசாம் நாட்டு மன்னன் பாஸ்கர வர்மனிடம் தீவிர நட்பு பாராட்டலானார்.

அது மட்டுமன்றி அண்டை தேசங்களுடன் நட்பு பாராட்டி வானிபத்தை பெருக்க முயன்றார்,அதற்கு சீன தேசத்திற்கு தன் தூதுவரை அனுப்பி நட்பு பாராட்டினார் ஹர்சர்

மாநிலங்கள் புக்திகள் என்று அழைக்கப்பட்டன,புக்திகள் விஷயம் அல்லது மாவட்டங்களாக பிரித்து நிர்வாகம் செய்தான்

ஹர்சரின் சமயம்

தொடக்கத்தில் தீவிர சிவபக்தராக இருந்தவர் ஹர்சர் என்றும்,யுவான் சுவாங் தெரிவித்த புத்த மத கொள்கைகளாலும்,சகோதரி ராஜ்யஸ்ரீ யாலும் இவர் புத்த மதத்தை தழுவலானார்

புத்த சமயத்தை இவர் தழுவினாரே அன்றி ஏனைய சமய மக்களையும் கனிவோடு கவனித்தார்,கட்டாய மதமாற்றம் போன்றவைகளை வெறுத்தார்

தலைநகர் கன்னோசி

வடஇந்தியாவின் முக்கிய நகரமாகி புத்தர் காலத்து பாடலிபுத்திரத்தின் இடத்தை பிடித்தது ஹர்சரின் தலைநகர் கன்னோசி, 10,000 க்கும் மேற்பட்ட இரு புத்த சமய துறவிகள் இங்கு வாழ்ந்து வந்தனர்

பிற மத கோவில்களும் இருநூற்றுக்கும் மேல் இருந்ததாகவும் தெரிகிறது, நன்கு திட்டமிடப்பட்ட வீதிகளும்,பூங்காக்களும்,புத்த மடங்களும் கன்னோசியை அலங்கரித்தது

யுவான் சுவாங்கும் நாலந்தா பல்கலைகழகமும்

ஹர்சர் சீனாவடன் நெருங்கிய நட்பு பூண்டமையால்,சீன நாட்டு யுவான் சுவாங்கை வரவேற்று உபசரித்தார்,யுவானுக்கு ஹர்சரின் ஆட்சி முறையும் போர் திறமையும் மிகவும் பிடித்து விட்டது

ஹர்சரின் காலத்தில் மிகப்பெரும் தொகை மானியமாக நாலந்தா பல்கலைக்கு வழங்கப்பட்டு வந்தது

பல்கலையின் உயர்ந்த கட்டிடங்கள்,போதனா முறைகள் ஆகியன புத்த சமயத்திற்கே உரித்தான புகழாகும்

ஹர்சர் காலத்து இலக்கியம்

ஹர்ச சரிதத்தையும் காதம்பரி போன்ற அற்புத நூல்களை படைத்த பாணபட்டர் ஹர்சரின் நெருங்கிய நண்பர் ஆதலால் இவரின் இலக்கிய ஆர்வம் இதிலிருந்தே தெரிகிறது

மேலும் ஹர்சரே ஒரு சிறந்த நாடகாசிறியர் ஆவார்,நாகானந்தம்,பிரியதர்ஷிகா,இரத்தினாவலி ஆகியன இவரே எழுதிய நாடகங்கள்

மறைவும் பேரரசின் சிதைவும்

நாற்பாதாண்டு காலம் மிகப் பெரிய சாம்ராச்சியத்தை நடத்திய ஹர்சவர்த்தனர் கி.பி 647 வாக்கில் மறைந்தார் என தெரிகிறது

ஹார்சரின் மறைவுக்கு பிறகு அவருக்கு கீழிருந்த சிற்றரசர்கள் தங்கள் எல்லைகளை பெருக்கி கொண்டனர்,அசாம் மன்னன் பாஸ்கர வர்மனும் நகரங்களை பிடித்துக் கொண்டான்,இதனால் மிகப்பெரிய சாம்ராச்சியம் முடிவுக்கு வந்தது

குறிப்புகள் :

ஹர்சரை பற்றிய குறிப்புகள் பாணரின் ஹர்சசரிதத்திலும்,யுவான் சுவாங்கின் பயணக் குறிப்புகளான சியூக்கியிலும் கிடைக்கப் பெற்றவை

விக்கிபீடியா கலைக்கலஞ்சியத்தில் இவரை பற்றி ஆங்கிலத்தில் அதிக தகவல்கள் உள்ளன,தமிழில் மிகக் குறைவே

தொடர் பதிவு :

விக்கிபீடியாவில் இவர் போன்ற மன்னர்களை பற்றிய தகவல்கள் தமிழில் மிகக் குறைவாகவே உள்ளது,விக்கிப்பீடியாவில் தமிழ்க் கட்டுரைகளை அதிகம் வலையேற்றும் சிறு முயற்சியாக இந்தப் பதிவைத் தொடர்பதிவாக்கத் திட்டமிட்டிருக்கிறோம். ஆகவே, விருப்பமிருக்கும் அனைவரும் "மன்னாதி மன்னன்" என்றத் தலைப்பில் தொடரலாம். பின்வரும் விதிகளை மட்டும் கவனத்தில் கொள்க!

1) வரலாற்றில் முக்கியமான எந்த மன்னரைப் பற்றியும் கட்டுரை இருக்கலாம்,ராணிகளையும் இதில் எழுதலாம்

2) விக்கியில் தமிழில் அதிகம் தகவல் இல்லாத மன்னராக இருக்க வேண்டும்.

3) கட்டுரையை முடித்ததும் விக்கியில் வலையேற்றவும்.

இதை தொடர அழைக்கிறேன்

வெறும்பய - ஜெயந்த்

கோமாளி - செல்வா

ரசிகன் - சௌந்தர்

நான் வாழும் உலகம் - ரியாஸ்

இவர்கள் மட்டுமல்ல ஆர்வமுள்ளவர்கள் யார் வேண்டுமானாலும் தொடரலாம் !!! மன்னாதி மன்னனை

50 பதிவுகள் ???

2010-08-01T22:32:00.000-07:00

முதலில் என்னை வளர்த்த அனைத்து பதிவுலக நண்பர்களையும்,அண்ணன்களையும்,அக்காக்களையும் என் சிரம் தாழ்த்தி வ ண ங் கு கி றே ன்

இது ஐம்பதாவது பதிவு எழுதிவிட்டேன் என்று சொல்வதற்கான பதிவல்ல, ஐம்பதில் என்ன கிழித்திருக்கிறேன் என்று என்னுள் நானே பார்க்கும் ஒரு மீள் பார்வை தான்

எப்பவாச்சும் சும்மா இருக்கும் போது கவித எழுத தோணும்,அப்டி எழுதிய கவிதைகளை மத்தவங்களுக்கு காட்டலாம்னு பதிவெழுத ஆரம்பித்தேன்

நான் கணிப்பொறி மாணவன் என்பதாலோ சுடுதண்ணி அவர்களின் பதிவுகள் எனக்கு ரொம்ப யோசிக்க வைத்துவிட்டது,அதன் விளைவு இந்த ஜில்தண்ணி

இதுவரை என்ன பதிவெழுதி கிழிச்சிருக்கேன்

எழுத ஆரம்பித்த போது புத்தகங்களில் காப்பி அடித்தவைகளை வைத்து தோணுவதை எழுதுவேன்,அதன் பிறகு சில ஃபார்வட் மெயில்களை பதிவிட்டேன்

இவை தந்த ஊக்கத்தில் அடுத்த கட்டத்திற்கு முயற்சி செய்தேன்,அவை கவிதைகளாக வந்தது,கவிதைளை எழுதி பாராட்டு பெறும் போது,அதற்கு ஈடு இனை எதுவுமில்லை,அப்படியொரு திருப்தி கிடைத்தது

அதன் பிறகு அறிவியல் வாத்தியார் போன்ற அறிவியலை எளிதாக சொல்லும் முயற்சிகளை எடுத்தேன்,அது எனக்கு மாபெரும் வெற்றியாக தெரிந்தது,ஆனால் அதையும் என்னால் இன்று தொடர்ந்து எழுத இயலவில்லை

கவிதையை தவிர்த்து என் எண்ணங்களை அப்படியே பதிவாக அமைந்த முதல் பதிவு உலகம் எப்போது அழியும் என்ற பதிவுதான்

அதன் பிறகு கடவுள் என்னைபொருத்தவரை என்னவென்று எழுதிய பதிவு கடவுள் என் மட்டில் ,அது எனக்குள் நிறைய எண்ணங்களை விதைத்தது,இதுவரை எழுதியதிலேயே சிறந்த பதிவாக நான் கருதுவது இந்த பதிவைதான்,ஏனென்றால் என் சந்தேகங்களுக்கு தீர்வு கிடைத்தது,அதன் விளைவு அடுத்தது என்னவென்ற தேடல் தொடங்கியது

ஆம் நிறைய சந்தேகங்கள் வர ஆரம்பித்திருக்கிறது,என்னை சுற்றி இருக்கும் சமூகத்தை பற்றியும் சரி,கடவுள்,மூடநம்பிக்கை,பரிணாமம்,மதம்,மனிதம் பற்றிய நிறைய சந்தேகங்கள் வந்துகொண்டே இருக்கிறது

அதன் விளைவு என்னையே நான் கேள்வி கேட்க ஆரம்பித்துள்ளேன்,இனி அதற்கு பதில் தேட வேண்டும்

இனி என் பதிவு எப்படி இருக்கும் ????

என் சந்தேகங்களை தீர்த்துக் கொள்ளும் பதிவுகள் வரும்,அப்பறம் கவிதைகள்,வித்யாசமான என் சிந்தனைகள்,நான் ரசித்தவைகள் என்று தொடர்ந்து என் பயணத்தை தொடரலாம் என்று நினைக்கிறேன்

ஆனால் இந்த அளவுக்கு எழுதியதற்கு காரணம் நீங்கள் தான்,உங்கள் உண்மையான அன்பினால் வரும் ஒவ்வொரு பின்னூட்டமும் என்னை மீண்டும் மீண்டும் எதையாவது தேடத் தூண்டுபவையாக இருக்கும்

இதுவரை ஒன்னும் பெரியதாக எழுதிவிடவில்லை,ஆனால் இனி தேடுவதற்கு நிறைய இருக்கிறது என்று மட்டும் தெரிகிறது

நிறைய படிக்க ஆரம்பித்திருக்கிறேன் புத்தகங்களும் சரி,பதிவுகளும் சரி.

அப்பறம் நிறைய சொந்தங்கள் கிடைத்திருக்கிறது மாப்பி என்று கூப்பிடும் நட்புகளும்,தம்பி என்று கூப்பிடும் அண்ணண்களும்,அக்காக்களும் கிடைத்திருக்கின்றன,இதுவே எனக்கு மிகப் பெரிய வரப் பிரசாதமாக நினைக்கிறேன்

அனைத்து சொந்தங்களுக்கும் ஒரு வேண்டுகோள்,நான் இதுவரை எழுதிய பதிவுகளை பற்றிய உங்களுடைய கருத்துக்களை பின்னூட்டத்தில் மறக்காமல் பதியுங்கள்,ஏனென்றால் என்னை அடுத்த முயற்சிக்கு தூண்டுபவையாக அவை இருக்கும் ,ஒரு FEED BACK ஆக இருக்கும்

மீண்டும் அனைவருக்கும் என் மனமார்ந்த நன்றிகள்

எந்திர இசை மழை

2010-07-31T04:32:00.000-07:00

தலைவாஆஆஆஆஆஆஆஆஆஆஆஆஆஆஆஆ

எங்க ****** சூப்பர் ஸ்டார் ****** பட பாடல் வெளியிடுன்னாலே தமிழ்நாடு ஒரு மாதிரியாத்தான் இருக்கும்,இதில் ரஹ்மான் வேறு இசை அமைத்திருப்பதால் உலகமே ஒரு கிறக்கத்துடன் இருக்கிறது.

பாடல்கள் ரிலீஸ் ஆகுறதுக்கு முன்னாலேயே சூரியன் எப்.எம் புண்ணியத்தால் இரண்டு பாடல்கள் நேற்றே கேட்கும் வாய்ப்பு கிடைத்தது

ரஹ்மான் பாடல்கள் கேட்ட உடனேயே பிடிக்காது,கேட்க கேட்கதான் பிடிக்கும் (இது உலகத்துக்கே தெரிஞ்ச விசயமாச்சே)

சரி பாடல்கள் விமர்சனம் செய்யும் அளவுக்கெல்லாம் நமக்கேது ஞானம்
ஏதோ கேட்டத உங்ககிட்ட சொல்றேன்

@@ முழுக்க முழுக்க இயந்திரத்தனமான இசை(பேரே அதான)

@@ புதிய மனிதா தலைவரின் அறிமுகப் பாட்டென்று
நினைக்கிறேன்

@@ ரோபோட்டிக் எஃபெகிட்டில் ரஹ்மான் பின்னி பெடலெடுக்கிறார்

@@ எஸ்.பி.பி யின் ஏற்ற இறக்கத்திற்கே நூறு கோடி கொடுக்கலாமுங்க

@@ பெண் குரல் கதீஜா ரஹ்மான் என்று இருக்கு-அது யாரென்று எனக்கு தெரியல,யாராவது சொல்லுங்க (குட் கொஸ்டின்),ஆதுவும் நல்லாத்தான் இருக்கு

புதிய மனிதா பூமிக்கு வாஆஆஆஆஆ

நான் பெற்றது ஆறறிவு
நீ கொண்டது பேரறிவு

நான் கற்றது ஆறு மொழி
நீ பெற்றது நூறு மொழி

@@ எல்லா பாடல் வரிகளும் சூப்பர் ஸ்டாருக்கு ஏத்த சூப்பர் டூப்பருங்க

@@ அடுத்தது காதல் அனுக்கள் செம லவ்வாங்கியான பாடலுங்க

@@ இன்னும் ஆறு மாசத்துக்கு தேவையான எனர்ஜி பாடலுங்க

@@ ஸ்ரேயா கோஷலின் குரல் என்ன மாயம் அது ?????????????

@@ இரும்பிலே ஒரு இருதயம் முளைக்குதே ஃபுல் பீட் பாடல்,இதிலும் செம ரோபோட்டிக் அசத்தல்,ஆங்கில வரிகள் ரோபோவுக்கு ஏத்த ரேம்போ

@@ ரஹ்மான் எங்கிருந்துதான் புடிக்கிறாரோ இதையெல்லாம்

இந்த மூன்று பாடலையே தான் காலையிலேர்ந்து திரும்ப திரும்ப கேட்டுக் கொண்டிருக்கிறேன்,மீதியையும் கேட்டுட்டு சொல்றேனுங்க

இப்ப கேட்க ஆரம்பித்திருக்கிறது - பூம் பூம் ரோபோ டா...ரோபோ டா

ஒன்னு மட்டும் எல்லாருக்கும் சொல்லிக்கிறேனுங்க,பாடல்களை முழுசா கேளுங்க

முதல் நாள்-மொக்கையின் தோற்றம்

2010-07-29T10:07:00.000-07:00

நேற்றைய துவக்க விழா - ஒரு மீள் பார்வை

*$* நாம் எதிர் பார்த்த படி முக்கால் வாசி மொக்கை பதிவர்கள் வந்துவிட்டார்கள்,வெங்கட் இன்று காலை தான் ஆஜராகியிருக்கிறார்

*$* மொக்கை போடுவது எவ்வாறு என்ற இலவச வகுப்பும் பயிற்சிப் பட்டறையும் நடத்த சங்கம் முடிவெடுத்துள்ளது

*$* மூன்று நாள் விழாவாகவும் ஏற்பாடு செய்யப்பட்டுள்ளது

முதல் நாளான இன்று : மொக்கையின் தோற்றம் பற்றி ஆராயப்படும்.
இரண்டாம் நாள் : மொக்கையை வளர்ச்சிப் பாதையில் அழைத்துச் செல்வோர் என்ற தலைப்பில் செயல்படும்.
மூன்றாம் நாள் : மொக்கை அமைச்சரவை பற்றி விவாதம் நடைபெறும்

நம் மொக்கை பதிவர் சங்கத்தை பாராட்டி பதிவர் நீச்சல்காரன் ஒரு பொற்கிழி ஒன்றை வழங்கியுள்ளார்,அது பொது மக்கள் பார்வைக்காக இங்கு வைக்கப்பட்டுள்ளது

பரிசை வழங்கிய நண்பர் நீச்சல்காரன் அவர்களுக்கு மூன்றாம் நாள் பாராட்டு விழா நடத்தவும் ஏற்பாடு நடந்து வருகிறது.

தோற்றம்

மேலாமல் பார்க்கப் போனால் என்ன பெரிய மொக்கை என்ற எண்ணம் தோன்றும்,ஆனால் அது ஏன் வந்தது எதனால் வந்தது என்று ஆராய்வதற்காகத்தான் இந்த ஆராய்ச்சி அரங்கம் ஏற்பாடு செய்யப்பட்டுள்ளது

மொக்கை என்ற வடிவம் தனியாகத் தோன்றி இந்தளவுக்கு வளர வாய்ப்பில்லை,அது ஒன்றிலிருந்து திரிந்து பின்பு தனியாக வளர்ந்திருக்கக்கூடும்

அதாவது ஒரு அதிரடி படம் எடுக்க திட்டமிட்டு அதற்கு தேவையான முயற்சிகளும்,செலவுகளும்,திறமைகளும் வெளிப்படவில்லையெனில் அது அரைகுறையாகத்தான் முடியும்,அது தான் மொக்கை ஆகியிருக்கலாம்

அரைகுறையான கவிதை,கதை,படம்,மனிதன்,இன்ன பிற.... எல்லாவற்றையும் தான் பொதுவாக மொக்கை என்ற பெயரில் வழங்குகிறோம்

மொக்கையின் தோற்றம் பற்றிய நம் சங்க கண்மணி கோமாளி செல்வாவின் ஆராய்ச்சி கட்டுரை இங்கே படியுங்கள்

மொக்கை - பெயர்காரணம்

மொக்கை என்ற சொல் பொதுப் பெயர்சொல்லாக வழங்கப்படுகிறது

மொக்கை என்ற சொல் இந்த நோக்கத்திலும் உருவாக்கப்பட்டிருக்கலாம்

மொக்கு + கை = மொக்கை

மொக்கு = அழகான பூவின் முந்தய வடிவம் (அல்லது) பூவின் அரைகுறை வடிவம்

ஆகவே ஒருவர் கவிதையோ,கதையோ எழுதப்போய் அது அரைகுறையாக இருக்குமாயின் அது மொக்கை என்று பெயர் பெறுகிறது

இன்று மான் ஆட்டில் விவாதிக்க வேண்டிய பொருள்

% மொக்கை என்ற சொல் உருவாவதற்கான பல்வேறு சூழ்நிலைகள்,காரணங்கள்

% அழகான கவிதை மொக்கையாக மாறிய விதம்

அனைவரும் வாரீர் !!! வாரீர்

இடம் : புதிய பின்னூட்டத் திடல்

பின்.குறிப்பு : இன்றும் நாளையும் நடைபெரும் மிக முக்கியமான ஆராய்ச்சி அரங்கத்திலும்,கருத்தரங்கத்திலும் கலந்து கொள்ளும் மொக்கை பதிவர்களுக்கே கடைசி நாள் அமைச்சரவையில் முன்னுரிமை அளிக்கப்படும்

மொக்கை பதிவர்கள் சங்க துவக்க விழா மற்றும் அகில இந்திய மான் ஆடு - 2010

2010-07-28T22:27:00.001-07:00

பதிவர்கள் முன்னேற்ற கழகம்...

ப.மு.க என்ற கழகத்தை நிறுவி நம்மை போன்ற மொக்கை பதிவர்களுக்கு ஒரு சங்கம் அமைத்து கொடுப்பார்கள் என்று கனவு கண்டு கொண்டிருந்தோம்,அந்த கனவில் மண்ணை மட்டுமல்ல கல்,கமெண்ட் எல்லாம் போட்டு மூடினார்கள்

இதற்கு மூல காரணம் யார் என்பதை விசாரிக்க அண்ணன் சிரிப்பு போலீசு விசாரனை நடத்த சென்றிருக்கிறார்.

மேற்படி நம்மை போன்ற மொக்கை பதிவர்களின் வாழ்வுரிமையை நிலைநாட்டவும்,நம்மையும் பதிவராக அங்கீகரிக்கவும் நாம் ஒன்று சேர வேண்டும்

அதற்காகத்தான் இந்த மொக்கை பதிவர்கள் சங்கம்(MBA-MOKKAI BLOGGERS ASSOCICATION)
மொக்கை பதிவர் சங்கத்தில் இனைவதால் ஏற்படும் நன்மைகள்

@ ஒன்னுமே இல்லாத பதிவுக்கும் 100 பின்னூட்டங்கள் சங்கத்திலிருந்து போடப்படும்(அதிலும் ஒன்னும் இருக்காது )

@ உடனடியாக இன்ஸ்டன்ட் திட்டத்தின் படி 20 ஓட்டுகள் சங்கத்தின் சார்பாக போடப்படும்

@ தாங்கள் சீக்கிரமே பிராப்ல பதிவராக வழி வகுக்கப்படும்

@ அனானிகள் தொல்லையிலிருந்து காப்பாற்ற நாங்களே சில அனானி கமெண்டுகள் போட்டு காப்பாற்றுவோம் (மொக்கை பதிவர் என்று நிரூபிக்க வேண்டாமோ)

மற்றவை மாநாட்டில் அறிவிக்கப்படும்

மாபெரும் மான் ஆடு- 2010

அலைகடலென வாரீர் ! வாரீர் !! வாரீர் !!!

மொக்கை பதிவர்கள் சங்கத்தில் தங்களுக்கு ஒரு சிறந்த பதவி அளிக்கப்படும்என்பதை வெறும்பய சார்பாகவும்,கோமாளி சார்பாகவும் தெரிவித்துகொள்கிறேன்

பதவிகள்,கொள்கைகள்,தீர்மானங்கள் குறித்து மாநாட்டில் விவாதிக்கப்படவேண்டும்,வாருங்கள் விவாதியுங்கள் !!!

பின்.குறிப்பு

## மாநாட்டிற்கு வரும் அனைவருக்கு அடுத்த பதிவில் சன்மானமாக 200 பின்னூட்டம் வழங்கப்படும்

எனக்கு பிடித்த பதிவர்கள் 0.1

2010-07-27T08:34:00.000-07:00

வணக்கம் நண்பர்களே !!!

நானும் என் நண்பன் குத்தாலத்தானும் சேர்ந்து ஒரு பதிவை ஆரம்பித்து இருக்கிறோம் (இங்கயே கிழிக்க முடியல இது வேறையா)

அந்த பதிவிலும் தங்கள் ஆதரவை தாருங்கள் நண்பர்களே !!!

எங்க ஊர் குத்தாலம்,அதனால் குத்தாலத்தான்'ஸ் என்று பெயர் வைத்து விட்டோம்,அந்த பதிவிலும் இனி என் மொக்கைகளை படிக்கலாம்,என் நண்பன் எனக்கு மேல செம மொக்கையா எழுதுவான்,படித்து பாருங்களேன் தெரியும்

"எனக்கு பிடித்த பதிவர்கள் 0.1 பதிவை படிக்க >>>>>

எனக்கு பிடித்த சில புதிய பதிவர்களை இங்கு அறிமுகப் படுத்தியிருக்கிறேன்,படித்துப் பாருங்கள்

நாங்களும் குத்துவோம்ல :)

2010-07-21T05:28:00.000-07:00

என்னடா எல்லா குத்துகளும் முடிஞ்சிடுசேன்னு பாக்குறீங்களா,இல்ல இல்ல இன்னொன்னு இருக்கு , அதான் சும்மா இருக்குற சுவரை குத்துறது

இந்த செவுத்த குத்துறது ஒரு பெரிய ரிலாக்சேஷனுங்க...ஏன்னா செவுறு திரும்ப குத்தாதுல்ல (அட பெரிய கண்டுபிடிப்புதான்) ,என்ன வலிக்குமேன்னு பாக்குறீங்களா..உங்களுக்கு யாரையாவது குத்தனும்னு தோணுச்சினா அவங்கள நினைச்சிகிட்டு செவுத்த குத்தலாம் (ஏதோ நம்மாள முடிந்தது)

## என்ன பதிவெழுதுறது ரெண்டு நாளா யோசித்து யோசித்து செவுத்ததான் போட்டு குத்திகிட்டு இருந்தேன் ,அட இந்த ஐடியா வந்துடுச்சே :)

## எல்லா பொன்னுங்களுக்கு முன்னாடி உனக்கு அறிவு இருக்கான்னு மேடம் கேக்கும் போது மேடத்த குத்தனும்னு தோனும் ஆனா முடியாது அப்ப செவுத்ததான் குத்தனும்

## பரிட்சை எழுதும் போது பட்டுனு நம்ம பேப்பர பிடுங்கி,அவன் வச்சிக்கிகுவான், கேக்க போனா நாமலும் மாட்டிக்கனும்,அப்ப எத குத்தனும் போல தோணும் செவுத்த தான் :)

## அவனோட லவ்வர் வரும் போது,நாம பக்கத்துல நின்னா அவனுக்கு ப்ரெஸ்டீஜ் ப்ராப்ளம் அப்டி தள்ளி நில்லுன்னு சொல்லுவான்,அப்பவும் செவுத்ததான் குத்தனும்

## மாப்ள உன் எழுத்து அவ்வளவு அழகு சிற்பம் டா,பிரிண்ட் எடுத்த மாதிரி இருக்கு என்று ஐஸ் வைத்து நைட்டு ஃபுல்லா அவனோட அசைன்மென்ட்டையும் எழுத வச்சிட்டு போயிடுவான்,அப்பரம் என்ன நைட்டு ஃபுல்லா எழுதிக்கிட்டே குத்த வேண்டியதுதான் :(

## இந்த பொண்ணுங்களுக்கு செல்போன்ல பேலன்சே இருக்காது போல :) , நம்ம கிட்ட சுத்தமா பேலன்ஸ் இல்லாத போது தான், தொடர்ந்து 10 மிஸ்டு கால்,call me urgent அப்டின்னு மெசேஜ் அனுப்பி கொல்லும் போதும் செவுத்ததான் குத்தனும் :)

## ஒரு வாரமா நான் சைட் அடிக்கிற ஃபிகரு,இன்னக்கி புசுக்குன்னு இன்னொருத்தன் பைக்ல ஏறி போகும் போது செவுத்த தான் வெறிக்க வெறிக்க குத்த முடியும் :))

## ஒரு 50 கமென்ட்சு,50 ஓட்டு விழுந்திருக்கும்னு பதிவ ஓபன் பன்னுனா தொப்பி 3 கமெண்ட்சும்,5 ஓட்டும் விழுந்திருக்கும் அப்ப நச்சுனு செவுத்த குத்துனா ஒரு பெரிய ரிலாக்சேஷனா இருக்கும் (ஓ___,கமெ____போடாதவங்கள குத்துற மாதிரி ஒரு அலாதியான சுகம் )

ஹா ஹா ஹா !!!

என்ன பதிவு மொக்கையா இருக்குன்னு தோணுதா , உடனே செவுத்த குத்துங்க(அதாவது என்ன நினைச்சிகிட்டு)

இல்ல ஓட்டையாவது எனக்கு குத்துங்க :))

தோ(ழி)ழன் அப்டேட்ஸ்....

2010-07-20T00:10:00.000-07:00

டிஸ்கி : அண்ணன் கார்க்கி அவர்களின் தோழி அப்டேட்சை படித்து படித்து, நாமளும் எழுதுவோமே என்று முயற்சி செய்தது :)

எதுக்கெடுத்தாலும் ட்ரீட் கேக்குறவன் நண்பன்...ட்ரீட்டுக்காகவே எதையாவது கேக்குறவன் என் நண்பன்

****************************************************************************

தோழி மழையில் நனைந்து வந்த போதுதான் எனக்கு நம்பிக்கை வந்தது, காதலின் மேல் அல்ல அவள் மேக்கப்பின் மேல்,கலையவே இல்லீங்க :)

*******************************************************************************
நண்பனுக்கு புது தோழி குறுஞ்செய்தி
அனுப்பியிருந்தாள்

என்ன செய்தி என்று வாங்கி படித்துக் கொண்டே
தோழி நம்பரை மனப்பாடம் செய்வான் இன்னொரு டகால்டி நண்பன்

********************************************************************************

மாப்ள உனக்கெத்தன அரியர்டா என்றுதான் கேட்டேன், நட்சத்திரத்த உன்னால என்ன முடியுமான்னு கேக்குறான்,என்னத்த சொல்ல :)

*******************************************************************************
தோழியின் சாப்பாடு டப்பாவை ஆட்டைய போட்டு ஆசையாக தயிர் சாதம் சாப்பிட திறந்தால் தனியாக அமர்ந்திருக்கிறது பர்கர் !?!

*******************************************************************************

நீல நிற சுடிதார் உனக்கு எடுப்பாக இல்லை என்றேன், உமக்கு எடுப்பா இருக்கும் போட்டுக்குறீயா என்கிறாள் :(

*******************************************************************************

என் அலைபேசியில் இன்னொரு பெண்னின் பெயரை பார்த்துவிட்டு சீறினாள் யார் என்று ? என் சித்தி என்றேன் சிரித்தாள் :) பெருமூச்சுடன் :()

********************************************************************************

பௌர்னமி நிலாவை காட்டி "நிலவில் உன் முகம் தெரிகிறது" என்றேன்
அப்ப என்ன ஔவை பாட்டி என்கிறாயா,என் மேக்கப் அவ்வளவு மோசமாவா இருக்கு என்கிறாள்

*********************************************************************************

இப்படியும் ஆகுமா....

நண்பர்களே இந்த பதிவை போல தோழியையும்,தோழனையும் ஒன்னா வைக்காதீங்க , அப்பறம் அவ்வளவுதான் :)

பதிவுத் திருட்டு - உஷார்

2010-07-18T10:09:00.000-07:00

நேற்று வானம்பாடிகள் ஐயாவின் பதிவில் அலெக்சா ரேட்டிங்கும் அல்லக்கைகளும் என்ற பதிவை படித்தேன்.அதில் பதிவர் சூர்யா கண்ணன் அவர்களின் கூகுள் கணக்கு அனைத்தும் ஹேக்கர்களால் முடக்கப்பட்டு விட்டதாகவும் அதனால் அவர் பதிவும் முடக்கபட்டுவிட்டதாக கூறுயிருந்தார்.

சூர்யா கண்ணன் அவர்களின் பதிவு எப்படிப்பட்ட பதிவென்பது நாம் அறிந்ததே,நம்மை போன்ற பதிவர்கள்,கணிப்பொறி துறை மாணவர்கள்,கணிப்பொறி வல்லுனர்கள் போன்ற அனைவரும் சூர்யா கண்ணன் பதிவுகளின் மூலம் பயன் பெற்று வந்தோம்

இன்று அந்த பதிவே இல்லை என்கிறது

எனக்கு அதைப் பற்றி ஒன்றும் தெரியவில்லை, பதிவிலேயே மீட்டெடுக்க சில வழிகளை பதிவுலக நண்பர்கள் அளித்திருக்கின்றனர், நண்பர்களே உங்கள் யாருக்காவது ஏதேனும் வழிகள் தெரிந்தால் சொல்லி உதவுங்கள் ,நமக்கு அந்த பதிவு தேவை.

அந்த பதிவின் பின்னூட்டத்தில் நண்பர் அஹமது இர்ஷாத் ஒரு பின்னூட்டம் இட்டிருந்தார்

உங்கள் ஆக்கங்கள் யாரால் திருடப்பட்டிருக்கிறது என்று அறிய இத்தளத்தில் உங்கள் வலை முகவரியை கொடுத்தால் உடனே சொல்லி விடுகிறது.. http://www.copyscape.com/

அந்த இனையதளத்திற்கு சென்று என்னதான் இருக்கிறது என்று பார்ப்போமே என சென்றேன்

முகப்பு பக்கத்திலேயே எனது வலைதள முகவரியை கேட்டிருந்தார்கள்,கொடுத்து தேடினேன்,ஒன்றும் இல்லை,பதிவின் வேறு பக்கங்களை தேடிப் பாருங்கள் என்ற செய்தியும் வந்தது.

நானும் அடுத்தடுத்த பதிவை கொடுத்து எங்காவது திருடப் பட்டுள்ளதா என்று தேடிக் கொண்டிருந்தேன்.

என்னுடைய உலகம் எப்போது அழியும் என்ற பதிவின் முகவரி கொடுத்து தேடும்போது,இந்த பக்கத்தில் உள்ள தகவல்கள் இன்னொரு தளத்துடன் ஒத்துப் போகிறது என்ற தகவல் வந்தது

அந்த தளத்தில் நுழைந்து பார்த்த போது தெரியவந்தது,என்னுடைய அந்த பதிவு திருடப்பட்டிருப்பது

மீனகம்.காம் என்ற வலைதளத்தில் தான் இந்த திருட்டு வேலை நடந்திருக்கிறது,நான் அந்த பதிவை போட்டது ஜீன்.30 ஆம் தேதி,அந்த பதிவில் ஜீலை 1 ஆம் தேதி திருடிப் போட்டிருக்கின்றனர் .

என்ன ஒரு கேவலமான வேலை,ஒருத்தர் அறிவை,ஒருத்தர் முயற்சியை இப்படி சல்லித்தனமாக காப்பி & பேஸ்ட் செய்வது என்ன மோசமான செயல்

என்னுடைய உலகம் எப்போது அழியும் பதிவு

திருடப்பட்ட பதிவு -மீனகம்.காமில்

கண்டிப்பாக உங்கள் பதிவுகள் கூட திருடப்படவும்,திருடப்பட்டிருக்கவும் வாய்ப்பிருக்கிறது,அதனை தீர்த்துக் கொள்ள இந்த தளத்திற்கு செல்லவும் உங்கள் பதிவின் முகவிரியை கொடுத்து தேடிப் பாருங்கள்.

இந்த பதிவுத் திருட்டிலிருந்து தப்பிக்க சில வழிகளை நம்ம ஜெய்லானி அண்ணன் பதிவில் கூறியுள்ளார்,அதையும் பாருங்கள்

இனிவரும் காலங்களில் இந்த பதிவுத் திருட்டை தடுக்க என்ன செய்யலாம் ? சொல்லுங்கள் நண்பர்களே !!! சொல்லுங்கள்

போண்டா வடையும் - பாக்கெட் கவிதையும்

2010-07-16T08:39:00.000-07:00

** இந்த வார போண்டா **

எங்கெங்கும் காணினும் போலியடா

தமிழ்நாடு பொறியியல் மற்றும் மருத்துவப் படிப்புக்கான சேர்கை கலந்தாய்வில் பல மாணவ-மாணவிகள் போலி மதிப்பெண் சான்றிதழ்களை பயன்படுத்தி விண்ணப்பித்திருப்பது தெரியவந்துள்ளது

பொறியியல் சேர்க்கை - 50 போலி சான்றிதழ்களும்மருத்துவ சேர்க்கை - 10 போலி சான்றிதழ்களும்

இது முதல் முறையாக தமிழகத்தில் அரங்கேறியுள்ளது குறிப்பிடத்தக்கது,இதற்கு முன்னரும் இது போன்ற போலிக்கள் இருக்கவும் வாய்ப்புள்ளது
மருத்துவ கலந்தாய்வில் இருந்த 10 போலி சான்றிதழ்களில் 9 பெண்களுடையதாம்.

இது தொடர்பாக இருவர் கைதும் செய்யபட்டுள்ளார்கள்,அவர்களின் விசாரித்ததில் அவர்கள் 500 க்கு மேற்பட்டோருக்கு போலி சான்றிதழ் தயார் செய்து கொடுத்திருக்கிறார்களாம்,பார்ப்போம் இன்னும் எவ்வளவு வெளிவருகிறது என்று ????

*** மிச்ச மீதி வடைகள் ***

* இந்தியாவின் முதல் உலாவி என்று ஒன்று கிளம்பியுள்ளது,EPIC BROWER
பிரபல நிறுவனம் மொசில்லா இதை வெளியிட்டுள்ளது

தீம்சுகள் மற்றும் சைடுபார் வசதி தான் இதன் சிறப்பம்சம்

ஓவர் லோடு ஏற்றப்பட்ட லாரி போல் மெதுவாகவே இயங்குகிறது

தரவிறக்க

* டெஸ்ட் பூட்டிகளிளிருந்து ஓய்வு பெறுகிறார் பாகிஸ்தான் அதிரடி
ஆட்டக்காரர் அப்ரிடி

* இந்திய ரூபாய்க்கான சின்னம் மாற்றுவதில் சிக்கல் ஏற்பட்டுள்ளது,அதில் ஹந்தி எழுத்து மட்டும் இருப்பதே இதற்கு காரணமாக இருக்கலாம்,விரைவில் சின்னம் வெளிவருமா ??

* சோனியா என்ன சொன்னாலும் சரி நான் மக்கள் பயணம் சென்றே தீருவேன் என்கிறார் ஜெகன் (ஆந்திரா)

பாக்கெட் கவிதை

உன்னோடு பேசாத
நாட்கள் இல்லை
சீண்டாத நொடிகளும் இல்லை

உன்னை பிரிந்த நேரங்கள்
யாருமில்லா காட்டிலலைவது போல்
தனிமையயே
உணர்கிறேன்

நான் உறங்கிய பிறகு தான்
நீ
உறங்குவேன்
என்கிறாய்

நான்
சற்று வறுமையில்
இருக்கறேன்
என்பதயே
நீ
சொல்லித்தான்
அறிந்து கொண்டேன்
"உங்களிடம் குறைவான தொகையே உள்ளது"

*** அலைபேசி ****

விஜயும் தமிழனும்

2010-07-15T01:42:00.000-07:00

வேலாயுதம்.....ஆரம்பம்

வேலாயுதம் - என்ன இது கழுகா,மைனாவா,இல்ல மடயானா (அதேதான்)
என்ன எழவோ சின்ன புள்ளங்க பயப்புடாம இருந்தா சரி.....

இதுவரை ஹெலிகாப்டரில் பறந்து கொண்டிருந்த விஜய்....
இந்த படத்தில் அவரே இறக்கை கட்டி பறப்பார் என எதிர்பார்கப்படுகிறது(ஹா ஹா ஓடுங்க)

தமிழனென்றால் யார் ?

இதற்கு ட்விட்டரில் ஒரு வரியில் கிடைத்த பதில்கள்

iamkarki

பொழுதுபோகலன்னு தமிழனையே கிண்டல் பண்ணி பேசுறவன் தான் உண்மையான தமிழன் #தமிளன்

kangon

தமிழை வாழ்த்தும் மாநாட்டில் ஆங்கிலத்தில் கதைத்து தன் ஆங்கிலப் புலமையை வெளிப்படுத்துபவன் #தமிளன்

kusumbuonly

ஆக்ஸ்வலி என்னாது இது? இதை எப்படி செய்வாங்க என்று அரிசியை பார்த்து கேட்பவன் தான் தமிழன் # தமிளன்

kaattuvaasi

"மானாட மயிலாட" பாக்கும்போது யாராவது வேட்டிய உருவுனாக்கூட "ஆடாம அசையாம" உக்காந்து இருக்குறவன்தான் தமிழன் #தமிளன்

gkarthy1

தன் மூஞ்சியை கண்ணாடில பார்க்காம விஜயகாந்த்தையும் T.Rரையும் கிண்டலடித்துக் கொண்டிருப்பவன் #தமிளன்

aayilyan

தன் புடிச்ச முயலுக்கு த்ரீ லெக்ஸ் ஒன்லின்னு சொல்றவன் #தமிளன்

jillthanni

தமிழ் என்ற ஒரே வார்த்தைக்கு 500 கோடி செலவு செய்பவன் #தமிளன்

நீங்க சொல்லுங்க தமிழன் யாருன்னு ? பின்னூட்டத்தில்

✍ நுழைவுத் தேர்வு அனுபவங்கள்...

2010-07-12T20:43:00.000-07:00

மூனு வருசம் முக்கி முக்கி படிச்சி B.sc முடிச்சாச்சி, கடைசி செமஸ்டர் ரிசல்ட்டும் வந்துச்சு, நல்ல வேளை அரியர் ஒன்னும் விழல,சரி அடுத்தது என்னான்னு யோசிச்சா,கண்ணுக்கு எட்டுன தூரம் வரைக்கும் தெரிஞ்சது MCA மட்டும் தான்,திரும்ப மூனு வருசம் படிக்கனுமாம் அதான் பிரச்சனையே :(

சரி நாம பாக்காத படிப்பா,அதையும் பாத்துடுவோம்னு போணோம்,இந்த MCA வுக்கு tancet,tancet ன்னு நுழைவுத் தேர்வு வைக்கிறார்கள் (ரெண்டு தேர்வான்னு கேக்க பிடாது ).அதுல ஒரளவுக்கு மார்க் எடுத்தா தமிழ்நாட்டுல உள்ள முன்னனி கல்லூரி எதுலயாச்சும் கண்டிப்பா இடம் கிடைக்கும்,அங்கெல்லாம் 100 சதவீதம் campus placement தருவாங்கன்னு ஆசைய வேற கிளரி விட்டுட்டாயிங்க :)

சரி உடனே அந்த நுழைவுத் தேர்வுக்கும் அப்ளை செய்தேன்,அதோடு சரி என்னுமோ பிரிப்பேர் வேற செய்யனுமாமே,நாங்கெல்லாம் செமஸ்டர்க்கே தூங்கி எழுந்து அப்டியே போற ஆளுங்க,இது என்ன பிஸ்கோத்து பரிட்சை :)))

அந்த நுழைவுத் தேர்வு நடைபெறும் நாளும் வந்துச்சி,கூட்டமா போனோம்,அண்ணாமலை பல்கலையில் தான் நடந்தது,சீக்கிரமா போய் உருப்படியா சைட் மட்டும் தான் அடிச்சோம்(நமக்கு வேற என்ன தெரியும்)

அவனவன் ஃபார்முலா,அது இது லொட்டு லொசுக்குன்னு கடைசி நேரத்துல விழுந்து விழுந்து படிச்சிகினு இருந்தானுவோ, நாங்க சாவகாசமா கால ஆட்டிகிட்டு அவனுகள பாத்து சிரிச்சிகிட்டு இருந்தோம்(எவ்வளவு கஷ்டமான வேலை தெரியமா)

பரிட்சை நேரமும் வந்துச்சி,என் ஹால பார்த்து போய் உட்கார்ந்தேன்,சோத்தாங்கை பக்கம் ஒரு அட்டு பிகரு ஒக்காந்திருந்துச்சி(அந்த பக்கம் திரும்பவே முடியல),முன்னாடி பய புள்ள ஒருத்தன்,ஆனா எனக்கு பக்கத்து சீட்டு மட்டும் காலியா இருந்தது.

பென்சில தீட்டிக்கிட்டு இருந்தேன்(அப்பரம் மூளையா இருக்கு தீட்ரதுக்கு) ,EXCUSE ME SIRன்னு வெளியிலிருந்து ஒரு சத்தம்,யார்னு பாத்தா ஒரு செம செம ஃபிகர்,சட்டுனு உள்ள வந்து என் பக்கத்துல ஒக்காந்துச்சி(புரியுது கொஞ்சம் கேப் விட்டுத்தான்).எனக்கு ரொம்ப சந்தோசம்

இந்த ரெண்டு மணி நேரம் பொழுத போக்குறதுக்கு இத விட நல்ல ஐடியா இருக்க முடியாது,கொஸ்டின் பேப்பர் கொடுத்தாங்க,ஆன்சர் பேப்பரும் கொடுத்தாங்க,கொஸ்டின் பேப்பர பிரிச்சி நமக்கு தெரிஞ்ச ஒரு கேள்வி கூடவா இருக்காது பிரித்தேன் (ஆமாமாம்)

தேடினேன் தேடினேன் ஆங்கில இலக்கணத்தில் தேடினேன், கனிதத்தில் தேடினேன்,கணிப்பொறி பிரிவில் தேடினேன்.ஒன்ணே ஒன்னு தெரிந்தது என்ன REGISTER NUMBER ன்னு ஒன்னு கேட்டிருந்தாங்க,அத ரொம்ப ஈசியா எழுதிட்டேன்,ஹால் டிக்கெட்ட பாத்தே (அடடா இது தான் உள்வளத் திறமையா)

ஒரு எழவும் தெரியல,அரை மணி நேரம் வீணா போனது தான் மிச்சம்(ஆமாம் மிச்ச நேரத்துல கிழிச்சிட போறாறு),சரி பக்கத்துல உக்காந்திருக்குற பொன்னயாவது பாப்போமே ன்னு பாத்தேன்,என்ன கொடும அது கணக்கெல்லாம் போட்டுப் பாக்குது அந்த புள்ள(ரொம்ப பேட் கேர்ள்)

1 மணி நேரம் இப்டியே ஓடுச்சி, அப்போதைக்கு ஒரு திடீர் ஞானோதையம் இங்க நடந்ததையெல்லாம் நம்ம பதிவுல போட்டா எப்டி இருக்கும் ? போட்டா ஒரு முப்பது ஓட்டு விழாது (ஆமாம் ரொம்ப முக்க்கியம்),இப்டி யோசிச்சிகிட்டே ஒரு அரை மணி நேரம் தூங்கிபுட்டேன்(கண்ண தொரந்துகிட்டே)

திடீர் மணி அடித்தது என் மண்டைக்குள்ளும் தான்,கடைசி அரை மணி நேரம் தான் பாக்கி இருக்கு எழுத வேண்டிய கேள்விகள் மீதமிருப்பது 100 மட்டும் தாம் (மொத்தமே அதுதானே)

சரி நம் அறிவுக்கு சரியான் டெஸ்ட் தான் (அது இருக்கா),இனிமேல் யோசிச்சி எழுதுனா 10 கூட எழுத முடியது,யோசிச்சேன்(மூக்குல கைய வச்சிகிட்டு தான்) :)

கொஸ்டின் பேப்பர ஓரமா வைத்துவிட்டு,ஆன்சர் ஷீட்ட மட்டும் எடுத்தேன்,எல்லாமே கொள்குறி வகை கேள்விகள்(choose the right answer) தான் என்பதால்,என் அறிவை பயன்படுத்தி D,A,B,C,A,D,C,B,C,A,D கால் மணி நேரத்தில் 50 வினாக்களுக்கு இப்படியே விடையளித்து விட்டேன்(மிகப் பெரிய சாதனை தான்),மீதம் 50 சாய்ஸ்ல விட்டுடேன்(என்னோட சாய்ஸ்தான்)

இதுல என்ன கூத்துனா தவறான பதிலுக்கு நெகட்டிவ் மார்க் வேற எடுப்பானுங்களாம்,அடக் கொடுமையே நமக்கு வர்ரதே ஒன்ணோ ரெண்டோதான் அதையும் எடுத்துட்டா !! எங்க போறது (துபாய்க்கு)

பரிட்சை முடிச்சி வந்தா அவனவன் ஆன்சர் சொல்லிப் பாக்குறானுவோ,ஹா ஹா நமக்கும் அதுக்கும் சம்மந்தமில்ல!!

ஒருத்தன் சொன்னான் கன்ஃபார்மா 30 என்றான்,இன்னொருத்தன் 22 என்றான்,நான் சிரிச்சிகிட்டே எனக்கு -3 என்றேன் (உண்மைதானே)

சரி எழுதியாச்சு ரிசல்டும் வந்தது,மார்க பாத்தா எல்லாம் தலைகீழ் , 30 சொன்னவனுக்கு 3 தான் வந்துச்சி,-3 (நான் தான்) சொன்னவனுக்கு ஹாஹா +13 மார்க் (ஆண்டவன் நல்லவங்கள கைவிட மாட்டான் ஹா ஹா),செம சிரிப்பு தான் எனக்கு :))

எவண்டா எனக்கு +13 போட்டதுன்னு எனக்கு டவுட்டு வேற,அதனால ரிசல்ட் உண்மையான்னு ஒரு பத்து,பதினைந்து தடவையாவது பாத்திருப்பேன்(நம்பவே முடியல)

எல்லா பயலுவோலும் கேட்டானுங்க எப்டி டா எடுத்த வெரி குட் டா, நான் சொன்னேன் அதெல்லாம் புத்திசாலிங்களாலதான் முடியும் டா(ஒத்தயா ரெட்டயா போட்டதுல வந்ததுன்னு சொல்லிடுவேணா)

நீங்க நம்ப மாட்டீங்கன்னு தெரியும் ,அதனாலதான் என் மார்க் ஸ்டேட்மன்டையே இங்கே போட்டுட்டேன் (நேர்மை,பொறுமை,எருமை)

இவ்வளவு பொறுமையாக படித்த அனைவருக்கும் மிக்க நன்றி !!!

♥ ஏமிக்கு ஒரு காதல் கடிதம் ♥

2010-07-11T00:42:00.000-07:00

உனை முதன் முதலில்
பார்த்தேன்
✔ சென்னையில் ✔

அத்தனை பேர்
இருக்க
என்னை மட்டும்
ஏன் அப்படி பார்த்தாய் :)

பார்த்ததோடு விட
வேண்டியதுதானே
இந்த மர மண்டையில்
♪ பூக்கள் பூக்கவும் ♪ வைத்தாய்

நீ தமில் கற்றுக் கொண்டதே
என்னிடம்
பேசத் தானா !!

எனக்கு குஸ்திலாம்
போட தெரியாது ✖
சொல்லு
உனக்காக
மொக்கயா ✂ டிஸ்கி வேணா போடறேன் !!

வாம்மா
துறையம்மா ☂
வாசல் தாண்டி
வாயேம்மா !!

ஆருயிரே
ஆர்யாவையும்
அழைத்து வா
நிரூபிக்கிறேன்
யார்
'பல'சாலி ♖ என்று

சீக்கிரம் ட்விட்டு ✝
நாம்
சந்திக்கபோகும்
அந்த நாளை

மதராசபட்டினத்தில்....

2010-07-10T04:29:00.000-07:00

வந்தே மாதரம் ! வந்தே மாதரம் என்று ட்ரைலர் பார்த்த போதே சீக்கிரம் பார்த்து விட வேண்டும் என்று முடிவு செய்து இன்று காலை ஷோ போனோம் - மதராசப்பட்டினம் படத்திற்கு

எங்க ஊர்ல டிக்கெட் பால்கனி 60 ரூபாய் அது நமக்கு சரி பட்டு வராது,சரி முதல் கிளாஸ் 50 ரூபாயாம்(அதுவும் நான் கொடுக்கல),ஒரு வழியா டிக்கெட் எடுத்து உள்ள போயி ஒரு நல்ல சீட்ட போட்டு உக்காந்தோம்

அதெல்லாம் அப்பறம் சொல்றேன் எங்களை 1945 க்கு அழைத்து சென்ற மதராசபட்டினம் குழுவினருக்கு
ஒரு கோடி பாராட்டுக்கள் !!!

எனக்கு தெரிஞ்சி ஒரு மூணு பேர் விமர்சனம் ஏற்கனவே போட்டிருக்காங்க அதை பாருங்க

ஜெட்லி
டம்பி மேவி
மகேஷ் - ரசிகன்

படமும் போட்டாச்சி அங்கு நான் ரசித்தவைகளை இங்கு உங்களுடன் பகிர்ந்து கொள்கிறேன்

* வேற எதுவுமே வேண்டாம் நம்ம கதாநாயகி ஏமியை பார்ப்பதற்க்ககாவே இந்த படத்த பாத்தாகணும்,அப்படியொரு அழகுங்க அந்த பொண்ணு ,லண்டன் இறக்குமதி -சான்சே இல்ல :)

கீழ இருக்காங்க பாருங்க,அடடா !

* டைட்டிலே வித்தியாசமாகத்தான் இருந்தது ,இந்திய வரைபடத்தில் கலைஞர்களின் பெயர்கள் குறிக்கப்பட்டதை போல இருந்தது

* 1945 சென்னை அதான் மதரசப்பட்டினத்தை என் கண்முன் வந்து நிறுத்தியிருந்தார்கள்,ஒரு எதிர்ப்பார்போடு பார்த்தேன்

* நம்ம நாயகி ஏமி கிழவியாக 2010-இல் கதை தொடங்குகிறது,நாயகியின் பேத்தி கூட நல்ல தான் இருந்தது granny granny என்று சொல்லிக் கொண்டு

* நம் நாயகன் ஆர்யா அசல் மல்யுத்த வீரராகவே மாறிவிட்டார்,அப்படியொரு எதார்த்தத்தை பார்த்தேன்

* நாயகிக்கு மொழி பெயர்ப்பாளாராக வரும் மறைந்த ஹனிபா அருமையான நகைச்சுவைகள் செய்திருப்பார் (அவர் இறந்துவிட்டார் என்பதே படத்தில் போட்ட பிறகு தான் எனக்கு தெரியும்,ரொம்ப மோசம் )

* ஹனிபா நம்ம நாயகிகிட்ட தனக்கு ஐந்து தாய் மொழிகள்(five mother tongues) என்பார்,அதற்க்கு நாயகி you mean five mothers,ஆங்கிலத்தில் வந்தாலும் செம சிரிப்பு தான் அந்த காட்சிகளில்

* முதல் பாதி அவ்வளவு காமெடி தாங்க,அசத்தல் !!

* மழை வரும் போது ஒருவர் மழை வருது,மழை வருது என்று கத்திக் கொண்டே ஓடுவதும் ,மேல ப்ளைன் போனா குண்டு போடறான் !! குண்டு போடறான் என்று கத்திக் கொண்டே ஓடுவதும் அந்த காலத்தை காட்டுகிறது ,சிரிப்பு தான்

* வெள்ளைய போலீசுக்கும் நாயகனுக்கும் ஒரு போட்டி நடக்கும்,உணர்ச்சி மிக்க போட்டியாக இருந்தது,ஆர்யா முதல் அடி அடித்ததும் எம்.எஸ்.பாஸ்கர் சொல்வார் "400 வருசத்துக்கு பிறகு நாம அடிக்கிற மொத அடி"

* ஏமி தமிழ் கற்றுக் கொள்வதும் ,ஆர்யா ஆங்கிலம் கற்றுக் கொள்வதும் செம கலாட்டா தான்

* இரண்டாம் பாதி அவ்வளவு வேகம்

* வெள்ளையர்களின் தந்திரங்களையும் நிறையவே காட்டி இருக்காங்க

* அப்பறம் இசை G.V.பிரகாஷின் அடுத்த மாஸ்டர் பீஸ் என்றே சொல்லவேண்டும் ,பின்னணி இசை அடடா ரகம் !!

* ரூப் குமார் பாடிய "பூக்கள் பூக்கும் தருணம்" வழக்கம் போல் உருக வைத்திருக்கிறார்

* இந்தியாவிற்கு சுதந்திரம் கிடைத்த தருணத்தை அருமையாக படமாக்கியிருக்கிறார்கள்

* ஹரிஹரனின் குரல்களில் வரும் "காற்றிலே" பாடல்,ம்ம்ம் என்னவொரு உணர்ச்சிமயமான பாடல்

* நாயகனும்,நாயகியும் தப்பி ஓடிக்கொண்டிருக்கும் போது சுதந்திரம் கிடைத்ததை ஊரெங்கும் கொண்டாட்டத்தில் ஒரு முதியவர் ஏமிக்கு நம் தேசிய கோடியை குத்தி விடுவார் , அங்கு ஒரே கரகோஷங்கள் தான் !!!

* படம் முழுக்க முழுக்க பார்க்க வேண்டிய பொக்கிஷம் !!!

* நான் பார்த்த உணர்ச்சிமயமான படம்,விடுதலை உணர்வுகள் நம்மையும் துள்ளி குதிக்க வைக்கிறது

* கிளைமாக்சும் எதிர் பார்க்காதது தான்

* ISO(1945:2010) certified movie :)

* படம் முடிந்த பிறகு பழைய மதரசப்படினத்தையும்,இன்றைய மெட்ராஸ் சிட்டியையும் ஒப்பிட்டு காட்டுவாங்க,அதையும் மறக்காம பாருங்க

* நீங்க எல்லோரும் குடும்பத்தோட பார்க்க வேண்டிய படம் !!! முதல்ல படத்த போய் பாருங்க,நாளக்கி ஞாயிற்றுக் கிழமை தான் !!!

கடவுள் என் மட்டில்

2010-07-07T10:32:00.000-07:00

டிஸ்கி : கடவுள் இருக்கிறாரா இல்லையா என்பது இந்த பதிவின் நோக்கமல்ல,இவை அனைத்தும் கடவுளை பற்றிய என் புரிதல்கள் மட்டுமே

"கடவுள்" இந்த வார்த்தையை உச்சரித்தால் சிலருக்கு பயம்,சிலருக்கு பக்தி,சிலருக்கு வெறுப்பு,சிலருக்கு அமானுஷ்யம்

அப்படி என்ன தான் இருக்கிறது இந்த கடவுள் என்ற மாயையில்,எல்லாம் இந்த மனிதப் பதர் உருவாக்கியவை தானே,என்ன அதில் மாயை,மந்திரம்?

"மனிதன் தான் கடவுளை படைத்தான்" இது என் கருத்து தான், அதனால் தான் மனிதனை போலவே கடவுளும் இருக்கிறார்

பாருங்க எல்லா ஆங்கில்லையும் போட்டோ எடுத்துக்க என்று நடராஜர் தான் காலை தூக்கிட்டு நின்றிருப்பாரா இல்லை சரஸ்வதி குளோசப் போட்டோ சரியாய் விழலன்னு இன்னொரு டேக் போயிருப்பாங்களோ,சாத்தியமே இல்லையே

மனிதனுக்கு தன்னை கட்டுப்படுத்தவும் இன்ன பிற சௌகரியங்களை செய்து கொள்ளவும் ஒரு உருவம் தேவை பட்டது, அதை தான் கடவுள் என்று படைத்து விட்டனர், வகை வகையாக மனித உருவத்தில் மாற்றம் செய்து கடவுளர்களை உருவாக்கி இருப்பர்,பின்னர் அதிலிருந்து வேர் விட்டது தானே இந்த மதமும் சாதியும்

கடவுள் இருக்கிறார் இல்லை என்பது அவரவர் விருப்பம் தான்

அதனால் கடவுள் இல்லை என்பவரிடம் இருக்கிறார் என்று திரும்ப திரும்ப கூறுவதோ,இருக்கிறார் என்பவரிடம் இல்லை என்று பழிப்பதோ வீண் வேலை தான்

"உண்டு" என்ற வார்த்த்தை இருக்குமானால் "இல்லை" என்ற வார்த்தை இருந்தே தீர வேண்டும்,அப்படி இல்லையென்றால் "உண்டு" என்பது அர்த்தமற்றதாகிவிடும்,இருக்கு என்பதும் அறிவுதான்,இல்லை என்பதும் அறிவுதான்

நாத்து நட்டிருக்கு மழை பெய்யக் கூடாது என்று கடவுளை வேண்டிக் கொள்ளும் விவசாயிக்கு நாத்து நட ஒரு நம்பிக்கை தேவை படுகிறது இதில் தவறேதும் இல்லையே,ஒரு நம்பிக்கை தானே அதை நீங்க கொடுத்தால் என்ன கடவுள் என்ற உருவம் கொடுத்தால் என்ன ?

முடிவாக ஒன்றை சொல்லிக் கொள்கிறேன்,இருக்கு என்பவர்களுக்கு இருந்துட்டு போகட்டும்,இல்லை என்பவருக்கு இல்லாமலேயே இருக்கட்டும்

ஆனால் இந்த இரண்டிற்க்கும் இடையில் மதத்தையும்,கடவுளையும் வைத்து ஊரை ஏமாற்றி காசு பார்க்கும் மூடர்களையும்,அதை காரணமாக வைத்து மக்களிடையே தீண்டாமை என்று பிரிக்கும் மிருகங்களையும் தான் நாம் இழித்தொழிக்க வேண்டும் !!! தூக்கி எரிய வேண்டும் !!!

நூறு
குடம் பாலபிஷேகம்
கல்லுக்கு
ஊத்திய போது
சிரித்தேன் கடவுளை பார்த்து
உமக்கு தேவையா என்று

அபிஷேகம் முடிந்து கொடுத்த
சர்க்கரை பொங்களை சிரித்துக் கொண்டே
வாங்கும் போது
என்னை பார்த்து
சிரித்த கடவுள்

இவையனைத்தும் கடவுளை பற்றிய என் புரிதல்களே,தவறிருப்பின் சுட்டிக் காட்டுங்கள்,மாற்றிக் கொள்கிறேன்

அபுதாபியில் கடற்கன்னி( ஃபார்வட் மெயில் )

2010-07-06T01:02:00.000-07:00

கடற்கன்னிகள் (mermaids) என்பது வெறும் கட்டும் கதை தான் ,ஆனால் இங்கு பாருங்களேன் !!

உலக வரலாற்றில் முதன் முதலான கடற்கன்னியின் உண்மை நிழற்படம்.

அபுதாபியிலுள்ள முத்துத்தீவில் இறந்த நிலையில் ஒரு கடற்கன்னி சடுதியாகக் கண்டெடுக்கப்பட்டுள்ளது. இங்கிருந்த உல்லாசப் பிரயாணிகள் அதிர்ச்சிக்குள்ளானதோடு அத்தீவை விட்டும் உடனடியாக வெளியேறியுள்ளனர். இங்கு இன்னும் மர்மம் நிலவுகிறது. சுற்றுலாக் கம்பனிகள் கூட கவலை மற்றும் அதிர்ச்சிக்குள்ளான நிலையில் காணப்படுகின்றன.

படங்களில் இப்படித்தான் கடற் கன்னிகளை பார்த்திருக்கிறேன்(செம பிகரா )

இத பாத்தா கடற் கன்னி போலவா இருக்கு ?

எதோ ரப்பர்ல செய்தது போல் இருக்கிறது

அம்மா பயமா இருக்கு :( உண்மையிலேயே கடற் கன்னி தான்

கண்ட மேனிக்கு போட்டோ எடுத்து தள்ளி இருக்கானுங்க

இந்த விஷயம் எனக்கு நண்பர் ஒருவர் மின்னஞ்சலில் அனுப்பியது

ட்விட்டரில் ரசித்தவை (04-07-2010)

2010-07-03T20:19:00.000-07:00

இந்த ட்விட்டரில் நச்சுன்னு நாலு வார்த்தையில் பலர் கலக்கிக் கொண்டிருக்கின்றனர்,அவற்றில் நான் ரசித்த ட்வீட்கள் சில

அதிஷா(athisha@twitter.com)

தோனிக்கு நிச்சயதார்த்தம் ஆகிருச்சாமே! அய்யோகோ தானைத்தலைவி லட்சுமி ராய் இனி என்ன செய்வாங்க!

ஆத்தா உன் கோவிலிலே அலங்கார வாசலிலே ஏத்த வந்தோம் மாவிளக்கு எங்க குறைய நீ விலக்கு - go #spa go!

விஜயசாந்திய கைது பண்ணிட்டாய்ங்களாம்.. ஏய் ஏய்.. சைதை தமிழரசி தாக்கப்பட்டாரா?

என்னை யாரென்று எண்ணி எண்ணி நீ பார்க்கிறாய். இது யார் பாடும் பாடல் என்று நீ கேக்கிறாய்.நான் அவள் பேரை தினம் பாடும் குயிலல்லவா.

காட்டுவாசி(kaattuvaasi@twitter.com)

நண்பரொருவர் திருமணநாள் என்று இனிப்பு கொடுத்தார். எத்தனையாவது கல்யாணநாள் என்று நான் கேட்க,ஒரே ஒரு கல்யாணம்தான் சார் பண்ணியிருக்கேன் என்றார்

தமிழகம் முழுதும் போலி டாக்டர்கள் கைது : அப்படியே போலி எழுத்தாளர்களையும் கைது பண்ணுங்க சார்... உங்களுக்கு புண்ணியமாப்போகும்...

பைத்தியத்துக்கு வைத்தியம் பாக்கப் போன பைத்தியக்கார வைத்திக்கு பைத்தியம் எழுதினத படிச்சு பைத்தியம் புடிச்சிடுச்சாம்

யூத்துன்றது யாரு?? செத்துப்போய் நரகத்துக்கு போனாலும் கூட வர்ற நண்பனை சொரண்டி "மச்சான்... எமனோட பொண்ணப்பாருடா..ம்ஹீம்" அப்படின்றவன்தான்.

ஜில்தண்ணி (இது நான் தானுங்கோ-jillthanni@twitter.com)

இப்ப சிவப்பு சாமியும் மாட்டிக்கிச்சா,சூரியனுக்கு ஒரு வீடியோவும் கிடைக்கலையாம் அதான் இப்படியா...

சீக்கிரம் யாராவது கேட்ச் பிடிங்கயான்னா மாட்டேன்குரானுவோ ,என்னுமோ கால்ப்பந்தாமே,சரி கேட்ச் வேணாம் போல்டு ஆக்கிட வேண்டியதுதானே

அவள் மழையில் நனைந்து வந்த போதுதான் எனக்கு நம்பிக்கை வந்தது காதலின் மேல் அல்ல அவ மேக்கப்பின் மேல்--கலையவே இல்லயே
பதிவுப் படம்

ஆஹா எம்மாம் பெரிய கை,இது கால் பந்தாசே (ஹி ஹி ஹி )

உலகம் எப்போது அழியும் ?

2010-06-30T20:34:00.000-07:00

கண்டிப்பாக 20ஆம் நூற்றாண்டு உலகத்தின் அழிவாகத்தான் இருக்கும்,என்பது போன்ற செய்திகள் அவ்வப்போது கிளம்புவதுண்டு

அப்படியென்றால் உலகம் அழியவே அழியாதா என்றால் அழியும் ஆனால் மெல்ல மெல்ல அழியும் என்பது தான் என் கருத்து.

எல்லாவற்றையும் எதிர்கொள்ளும் இந்த மனிதனால் இயற்கையை எதிர்த்து நிற்பது அவ்வளவு சுலபமல்ல,இயற்கையை நாம் ஆக்கிறமிக்கிறோம் அது நம்மை ஆட்டி வைக்கிறது

கண்டிப்பாக இந்த பூமிக்கு அழிவிறுக்கிறது,அது எப்படி வேண்டுமானாலும் வரலாம்

பகவத் கீதையில் தண்ணிரால் தான் இந்த உலகம் அழியும் என்ற
கூற்று இருக்கிறதாம்(நான் படிக்கல,நண்பர்கள் சொன்னதுங்கோ),ஆம் சுனாமி,பூகம்பம்,எரிமலை சீற்றம் போன்ற இயற்கை பேரழிவுகளால் மெல்ல அழியும்

ஒரு புறம் தண்ணிர் இல்லாததால் வறட்சியால் பூகம்பம் மற்றொறு புறம் வேறு மாதிரியான பிரச்சனை

வெயில் காலங்களில் நல்ல மழை பெய்கிறது,மழை பருவத்தில் வெயில் சுட்டெரிக்கிறது,எப்போது வேண்டுமானாலும் என்ன வேண்டுமானாலும் நடக்கிறது,இதை என்னவென்று சொல்ல?

இந்த உலக வெப்பமயமாதல் வேற,இங்கு மட்டும் வெப்ப உயர்வில்லை பனிப் பிரதேசங்களான ஆர்டிக்,அண்டார்டிகா பகுதிகளிலும் தான்,இதனால் என்ன ஆகும்

நம் பூமிப் பந்தில் நான்கில் மூன்று சதவீதம் கடல் தான்,ஒரு பகுதி தான் நாம் வாழும் நிலப்பகுதி,வெப்பம் அதிகரிப்பினால் பனிக்கட்டிகள் உருகி ஓடும் நிலை ஏற்பட்டுள்ளது,இதனால் கடல் பகுதி கண்டிப்பாக அதிகரிக்கும்,நிலப் பகுதி குறையும்,நாமும் குறைவோம் ?

ஒரே ஓட்டை போட்டு சர்வ சாதாரணமாக ஆபத்தான அறுவை சிகிச்சைகளை மருத்துவத் துறை செய்து வருகிறது,மிகப் பெரிய வளர்ச்சி தான்,ஆனால் இந்த நோய்களின் வளர்ச்சி இதைவிட அபரிமிதமாக இருக்கிறதே,முன்பு பிளேகு,காளரா என்று எண்ணக்கூடிய அளவிலிருந்த நோய்கள்(கிருமிகள்) இப்போது தங்களை மறுவடிவமைப்பு செய்துகொண்டு வருகிறது,அழிவு தானே ?

அழிவு இப்படித்தான் வரவேண்டும் என்றில்லை,உலகப் போரின் போது அப்பாவி மக்கள் எவ்வளவு பேர் கொள்ளப்பட்டனர்,ஹிட்லர்,ஸ்டாலின் , ராஜபக்ஷே போன்ற சர்வாதிகாரிகள் ஆட்சிக் கட்டிலில் அமர்ந்தாலும் இது போன்ற அழிவுகள் வரும்

இலங்கையில் நம் தமிழ் இனம் அழிக்கப்பட்டது ஒரு அழிவுதானே :(

இப்படி ஒருபுறம் இருக்க வேற்று கிரக வாசிகளால் கூட அழிவு ஏற்படலாம் என்கிறார் புகழ்பெற்ற ஆராய்ச்சியாளரான ஹாகின்ஸ்.

எப்படி இருந்தாலும் இன்னும் ஒரு நூற்றாண்டோ அல்லது ஒன்றரை நூற்றாண்டுகளுக்குத் தான் இந்த பூமியால் தாக்குப் பிடிக்க முடியும் என்பது தெள்ளத் தெளிவாகத் தெரிகிறது

என்னடா அழிவை பற்றியே சொல்றானே ஒரு சந்தோசமான விஷயம் என்னவென்றால் செவ்வாய் கிரகத்தில் ஹைட்ரஜன் மூலக்கூறுகள் அதிகம் இருப்பதாக ஆய்வுகள் தெரிவிக்கிறது அப்படியென்றால் கண்டிப்பாக தண்ணீர் இருக்கும் என்பதும் உறுதி.

அப்ப செவ்வாய் கிரகத்துல ஒரு பிளாட் வாங்கிட வேண்டியதுதான் போலிருக்கு :)

அழிவு உறுதியாகிவிட்டதால் அதை தடுக்க முடியாது வேண்டுமென்றால் கொஞ்சம் தள்ளிப் போடலாம்,அதற்கு முதலில் இயற்கையோடு சண்டையிடுவதை முதலில் நிறுத்த வேண்டும்

என்னால் இந்த பூமியை காப்பாற்ற முடியும் என்ற நம்பிக்கையுடன் நீங்களும் ஒரு மரம் வளருங்கள்.

நம் பூமித் தாய்க்கு இப்போது தேவை சுதந்திரம்,சுத்தமான காற்று,நல்ல தண்ணி இவற்றை உங்களால் கொடுக்க முடியுமா ???? யோசிங்க

மனிதன் தன் அடுத்த பரிணாமத்தில் இவற்றையெல்லாம் தூள் தூளாக்கக் கூட வாய்பிருக்கிறது ,பாப்போம் நாம் இருந்தால்

அவளும் அந்த குட்டிக் கவிதைகளும்

2010-06-28T11:31:00.000-07:00

பூவுக்குள்...

தோட்டத்திற்கு
சென்று
நீ
ஒரே ஒரு
பூவை
பறித்து
சூடினாய்
மறு நிமிடமே
மற்ற
பூக்களெல்லாம்
தற்கொலை
செய்து கொண்டன
அடுத்த பிறவி
எடுத்தாவது
உன்னை
அடைவேனென்று

கோலடிக்கிறாய்..

ஏ பெண்ணே
என் இதயம்
என்ன
கால்ப்பந்து மைதானமா
தினமும்
உன்
டாலடிக்கும்
பார்வையால்
கோலடிக்கிறாய்

கை கொடு...

உன்
அசட்டுக்
கன்னக் குழிகளில்
தடுக்கி விழுந்தவன்
இன்னும்
எழவில்லை
வாழ்க்கைக்கு கூட
வேண்டாம்
எழுவதற்காவது
கை கொடுத்துவிடு
கவிதையே

சிக்கு...

உன் வீட்டு வாசலில்
சிக்குக் கோலங்களை
சிக்காமல்
போடுகிறாய்
சிக்கிக்
கொண்டது
நானல்லவோ

நான் மறந்த என் முதல் பதிவு

2010-06-26T19:56:00.000-07:00

நானும் பதிவெழுதப்போறேன் என்று கிளம்பி கிட்டத்தட்ட ஒரு மூன்று மாதம் ஆகிறது,30 பதிவுகளும் போட்டாச்சி,50 பேர் என்னை பின்தொடர்கின்றனர்,அப்டி என்னதான் இருக்கிறது இந்த பதிவுலகில்

இப்போது தான் தெரிகிறது இது மிகப் பெரிய உலகம் என்று
எவ்வளவு வியக்கத்தக்க உலகம் திறமைசாலிகளும்,எழுத்தாளர்களும்,சிந்தனையாளர்களும் அற்புதமாக எழுதி வருகின்றனர்.

என் ஒவ்வொரு முயற்சியையும் தட்டிக் கொடுக்க அன்பான நண்பர்கள் கிடைத்தார்கள்,என் தவறை சுட்டிக் காட்டி திருத்தும் அண்ணன்கள் கிடைத்தார்கள்,இங்கு வயது வித்தியாசமின்றி பழகும் பெரியோர்கள் இருக்கின்றனர்.

முக்கியமாக இப்போது நிறைய படிக்க ஆரம்பித்து இருக்கிறேன்,என்னையும் நம்பி ஒரு 50 பேர் இருக்கிறார்களே,அதற்காகவாவது சிறந்த பதிவுகளை எழுத வேண்டுமே என்று அக்கறை வந்துள்ளது.

இங்கு திறமை கண்டிப்பாக பாராட்டப்படும்,வெளிக்கொணரப்படும் !!!

என் திறமையை முடிந்த வரை வெளிப்படுத்த முயல்வேன் நண்பர்களே !!!

_________________________________________________

இந்த சின்னப் பையனின் ஒரு சின்ன அறிமுகம்

இவ்வளவு நாளாய் ஜில்தண்ணி என்று அழைத்துக்கொண்டிருந்த நண்பர்களே,என் பெயர் "யோகேஸ்வரன்".வயசு ஒரு 21 ஆகுது,சும்மா ஏதோ கிறுக்கிக் கொண்டிருக்கின்றேன்,எங்க ஊரு குத்தாலம் (குற்றாலம் இல்லீங்க) நாகை மாவட்டத்தில் இருக்கும் ஒரு சின்ன ஊர்.

இனி என்னை 'ஜில்லு' யோகேஷ் என்று கூட கூப்பிடலாம்,அப்பறம் நிறைய எழுதனும்னு ஆசையாத்தான் இருக்கு,முடிந்தவரை முயற்சிப்பேன்

இன்னும் என்னை பத்தி ஏதாவது தெரியணும்னா,ஒரு மின்னஞ்சல் அனுப்புங்க இல்ல மின்னரட்டைக்கு வாங்க

மின்னஞ்சல் : jillthanni@gmail.com

குறிப்பு : இதய நோய் உள்ளவர்களும் ,பெண்களும்,சிறுவர்களும் கீழே உள்ள படத்தை பார்ப்பதை தவிர்க்கவும் ,மீறி பார்த்து பயந்து போனால் நான் பொறுப்பல்ல (ஹி ஹி ஹி )

இது தான் நான்

அப்பாடா என்னபத்தி சொல்லிபுட்டேன்,அப்பறம் நீங்கதான் சொல்லணும்

வரட்டுங்களா !!!!

அண்ணன் வால் பையனுடன் ஒரு அரட்டை

2010-06-24T20:55:00.000-07:00

3:53 PM me: vanakkam vaal

8 minutes

4:01 PM arunero: வணக்கம் தல

4:02 PM me: unmayileye thangalukku vayasu aayidicho

arunero: இல்லையே

யார் சொன்னா தல

me: photola ????

apdithaan theriyuthu

arunero: அது கிராபிக்ஸ்

4:03 PM me: aahaa nalla samaalikireenga vaal

arunero: நம்புங்க தல

4:04 PM me: ha ha ha

arunero: சிரிக்காதிங்க

நம்புங்க

4:05 PM me: sari nambiten

ippa sollunga epdi ivalavu thatroobama graphics

4:06 PM arunero: எங்க பாஸ் பண்ணி கொடுத்தார்

அந்த போட்டோ எடுத்தது அவர் தான்

me: yaaru avuru

arunero: கார்த்திக்

4:07 PM me: blog sollunga

arunero: ப்ளாக்கர் இல்ல

me: rightu

arunero: ம்ம்

me: unga photo irunthaa konjam mail pannungalen

naanum panren

4:08 PM arunero: என்ன பண்ண போறிங்க?

me: enaakum intha photoshop pidikkum

yethaavathu panni ungala azhagaakuren

4:09 PM he he he

arunero: சரி அனுப்புறேன்

me: rightu

arunero: லேசா பித்த நரை இருக்கும்

அதை மறைச்சிருங்க

me: mm he he he

kandippa

4:11 PM
நன்றி

பித்த நரை மறைக்க சொன்னீங்க ,மறைத்துவிட்டேன் (போதுமா)

டைனாசர் போலவே இருக்குள்ள

தமிழ்நாட்டில் போட்டிக்கு விஜய் போன்ற ஹீரோக்கள் இருப்பதால் அண்ணன் வால் ஹாலிவுட்டில் தான் தன் லீலைகளை நடத்துவார்(அங்க மதுர பொண்ணு கிடையாது,மேகன் பாக்ஸ் )

இந்த போட்டோவுக்கு என்ன எழுதலாம் நீங்களே சொல்லுங்களேன்

என்னுமோ ஒன்னு குறையுதே

மீண்டும் வருவார் vaaaaaaaaaaaaaaaaaaaaaaaaaaal

எனக்கென்று சில உறவுகள்

2010-06-19T19:58:00.000-07:00

தங்கக் கம்பி

நான் பள்ளி சேர்ந்த வருடம்
நீ பூமியில் குதித்தாய்
என் தாய் மடியை அபகரித்து விட்டாயோ என்று
கண்ணில் நீர் கசிந்தது
அம்மா தேற்றினாள் உன் தம்பி தான் என்று

நான் தான் உனக்கு பெயரே வைத்தேன்
வளர்ந்துவிட்டாய்
நீ அண்ணா என்று கூப்பிடும் அந்த
வார்த்தைக்காக ஏங்கியவன்

எத்தனை சண்டைகள்
நமக்குள்
பலப்ப குச்சிக்கும் அம்மா செய்த முறுக்குக்கும்
சண்டை போடாத நாட்களே இல்லை

இன்று கூட
சண்டை தான்
புது தலையணையை யார்
வைத்துக் கொள்வது

என்ன இருந்தாலும் விட்டுக் கொடுப்பவன்
நான் தான்
என் தம்பி தானே

--------------------------------------------------------------

மாமன் மகள்..

குட்டிப் பெண்ணாய்
பார்த்துக் கொண்டிருந்தேன்
அதற்குள்
பெரிய மனுசி
ஆகிவிட்டாள்

நிறைய வித்யாசங்கள்
அவளிடம்
புதிதாய் கண்டுபிடித்த வெட்கம்
சற்றே உப்பிய கன்னம்
குரல் கூடத்தான்

சட்டென்று
குதித்த என் இதயம்
அவளிடம்
நின்று கொண்டு
முறைப் பெண் தானே
காதலித்து பாரேன்
என்றது
என்ன செய்ய ?

----------------------------------------------------

நண்பா...

இத்தனை வருடம் படித்தேன்
என்ன வளர்ந்தது
நண்பர்கள் எண்ணிக்கை தான்

அரியர் வைத்தாலும்
கேட்டாய்
ஆடை வாங்கினாலும்
கேட்டாய்
நானும் மறுக்கவில்லை
"ட்ரீட்"

சொந்தமே இல்லாமல்
மச்சான் என்றாய்
மாமா என்றேன்

ஒன்றுமே
இல்லையென்றாலும்
நமக்குள்
நிறைய
இருக்கும்
பகிர்ந்து கொள்ள

நம்
நட்பிற்கு
முடிவு
என்றுண்டா

அறிவியல் வாத்தியார் - 3

2010-06-18T10:08:00.000-07:00

மாலை வணக்கம் ஐயா

வணக்கம் வணக்கம்,என்னடா ஒரு வாரமா ஆள காணோம்

என்னோட ஆளு ஊர்லதான்யா இருக்கா,இப்பதானே பாத்தேன்

அது வேறயா ,சரி சரி நடத்து நடத்து

ஏதாவது சந்தேகம் இல்லாம வரமாட்டையே,என்ன ?

இந்த இசைக்கும் - சத்தத்துக்கும் என்ன வித்யாசம்யா ?

அதாவது இசையும்,சத்தம் இரண்டுமே ஒலி தான்

இரண்டுமே அதிர்வ்களால் உருவாவது தான்

இசை சீரான அதிர்வுகளால் உருவாவது

சத்தம் தாறுமாறான அதிர்வுகளால் உருவாவது

அவ்வளவுதான்..

ஹ ஹ ஹச்ச்ச்ச் .......................
ஐயா இந்த தும்மல் ஏன் வருகிறது ?

ம்ம்ம் சொல்றேன்
முதல்ல தும்மும் போது கைக்குட்டையை வைத்து மூடி கொண்டு தும்மு,சரியா

மூக்கில் உள்ள மெல்லிய சவ்வின் நரம்பு நுனிகள் தூண்டல் ஏற்படும் போது தும்முகிறோம், மூச்சை உள்ளே இழுக்கும் போது தூசி அல்லது பூந்தாதுக்கள் உள்ளே செல்வதாலோ,ஒவ்வாமை,மூக்கடைப்பு இருந்தால் கூட வரும்

மூக்கில் இருக்கும் அன்னியப் பொருளை (foreign particles) காற்றின் மூலம் வெளியேற்ற உதவும் ஒரு அனிச்சை செயலே(reflex action ) தும்மல்

போன வாரம் கராத்தே கிட் படத்துக்கு போனோம்,நண்பன் ஒருத்தன் பாப் கார்ன் வாங்கினான் (எனக்கு ஓசி ),அத பொரிக்கும் போது அந்த குதி குதிக்குதே அது ஏன் ?

படம் எப்டி இருந்தது
வூட்ல பொய் நான் ரசித்ததை படிங்க

பாப் கார்ன் செய்ய பயன் படும் சோளம் ஒரு வித கடினத் தன்மை கொண்டதாகும்,நடுவில் சிறிய அளவு பருப்பும் அதைச் சுற்றி கடினமான மாவுப் பொருளும் இருக்கும் மற்றும் 10 முதல் 15 சதவீதம் ஈரப்பசை

கீழே இருக்கும் ஈரப்பசை சூடாகி ஆவியாக பலமடங்கு பெரிதாகும் ,அந்த மாவு பொருளை பிளந்து கொண்டு வெளியே வரும்,அதனால் தான் குதிக்கிறது

மழை பெய்யும் நேரம்...

2010-06-16T10:55:00.000-07:00

மழை பெய்யும் நேரம்...

மழை
நாளில்
நீ
நடந்து
சென்றாய்
மழை
துளிகள்
சண்டை போட்டு கொண்டன
உன் மேல் விழுவதற்கு
நானும் தான் .

------------------------------------------------------

வானவில்...

உன்னை
பார்க்கும்
நிமிடங்கள்
யாவும்
வானவில்
வண்ணங்களாக
மலர்கின்றன
பெண்ணே
உன்னை சந்திக்காத
நொடிகளில் மட்டும்
தனிமை காட்டில்
அலைந்து திரிகிறேன்
உன் எண்ண அலைகளோடு

----------------------------------------------------------

நான் தைரியமற்றவன்....

ஒரு
நூறு
மனிதர்களை
அடித்து
நொறுக்கும்
வாலிபத்தின் நரம்புகள்
என்னிடம் இருந்தாலும்
அவளிடம்
காதலை
சொல்ல சென்று
கண்களை பார்த்து
திரும்பி
வரும்போது
கோழயாகிறேன்
நான்
தைரியமற்றவனா....

அவளின்
பார்வை
சம்பவத்திற்காக
காத்திருந்து
ஏமாறும்
நேரங்களில்
நான்
ஏமாளியா...

இல்லை
அவள் முன்
ஏமாளியாகவும்
கோழையாகவும்
இருக்கவே
ஆசை..

சாலையோரக் கவிதைகள்

2010-06-14T21:48:00.000-07:00

இந்த கவிதைகள் நான் கிறுக்கியது என்ற பதிவில் எழுதியது,இப்போது அந்த பதிவுகள் அழிந்துவிட்டது,உங்களுக்காக இங்கு...

விழியீர்ப்பு விசை...

கல்லூரி
காலங்களில்
நீ
அந்த
நீல நிற
சுடிதாரில்
உன்
தோழிகள் படை சூழ
வலம் வருவாய்
நான்
கடைக்கண் தரிசனம்
கிடைக்குமா
என ஏங்கிய
நேரத்தில்
மலையின் பின்
உதிக்கும்
ஆதவனை போல
உன்
கன்னக் குழிகளில்
உதித்த
அந்த
வெட்க்கச்சிரிப்பை
கண்டு
நான்
வெட்கினேன்

உன்
விழியீர்ப்பு விசையில்
அந்த
புவியீர்ப்பு
விசை கூட
தோற்று விட்டதடி

____________________________________

அழகுக் குறிப்பு.....

உன்னை
பின்தொடர்ந்து
வருகையில்
நீ
அள்ளி வீசினாய்
அழகுக் குறிப்புகளை
ஆம்
உன்
செருப்பும்
அழகின்
குறிப்பு தானே

______________________________________

அவளின்றி

இப்போதெல்லாம்
பூக்களை
பார்த்து
பரிகசிக்கிறேன்
நீ
எல்லாம்
எம்மாத்திரம்
என்னவள்
முன்பு...

நீங்களும் ரசிங்க - கராத்தே கிட்

2010-06-13T10:09:00.002-07:00

ஞாயிற்று கிழமை வீட்ல வெட்டியா தானே இருக்கோம்,சரி ஏதாவது படத்துக்கு போகலாம்னு யோசிச்சப்ப நினைவுக்கு வந்தது தி கராத்தே கிட்,ஜெட்லி அண்ணன் எழுதுன விமர்சனம் தான் இந்த படத்தை யோசிக்க வைத்தது,

நண்பனுக்கு போன் போட்டு தி கராத்தே கிட் படத்துக்கு போகலாமாடான்னு கேட்டேன்,என்ன தர டிக்கட்டா என்று கேட்டான் சிரித்து விட்டேன்,ஒரு வழியா ஃபைனலைஸ் பன்னி,மாலை ஷோ போணோம்

விமர்சனமெல்லாம் நிறைய பேர் பண்ணிட்டாங்க..

நான் ரசித்தவைகளை பகிர்ந்து கொள்கிறேன்

* ஆரம்பத்திலேயே என்னை கவர்ந்தது ஜேடன் ஸ்மித்தின் தலை முடிதான்

* அவனை பார்த்து இது ஆம்பளையா இல்ல பொம்பளையா என்று பின்புறத்தில் கேட்டது,சிரித்து விட்டேன்

* பனிரெண்டு வயது சிறுவன் ஸ்மித் அந்த சிறுமியயை பார்த்து அசடு வழிந்ததும் ஓரே சிரிப்பு தான்

* வில்லன் சிறுவன் முதல் அடியே இடி போல் வியக்க வைத்தது,நல்ல நுணுக்கமான வெளிப்பாடு

* கிழ சிங்கம் ஜாக்கி நடை வித்யாசமாக இருந்தது,வயது முதிர்ச்சியை காட்ட அப்படி செய்தார்களா தெரியவில்லை

* திருவிழா ஒன்றில் நம்ம ஹீரோவும் அந்த சிறுமியும் முத்தம் கொடுக்குறது கொஞ்சம் ஓவர் தான்

* கேள்வி கேட்டுக் கொண்டே இருக்கும் சிறுவன் ஸ்மித்தின் நடிப்பு அசத்தல் தான்

* குருவாக ஜாக்கி மிளிர்கிறார்

* தற்காப்புக்காகத்தான் இந்த குங்க்ஃபூ கலையை கற்க வேண்டும்,அடிப்பதற்க்கல்ல என்று சொல்லும் ஜாக்கியிடம் பக்கா குங்க்ஃபூ தெரிந்தது

* சட்டையை அவிழ்த்து,மாட்டி,கீழே போடடும் அந்த பயிற்சியின் மூலம் குங்க்ஃபூ சொல்லிக் கொடுத்தது எதிர்பார்க்காதது

* முத்தமும் கொடுத்து விட்டு அந்த சிறுமியின் அப்பாவிடம் நாங்க சிறந்த நண்பர்கள் தான் என்று சொல்லும் போதும் சிரிப்பு தான்

* போட்டியில் வழக்கம் போல் ஒரு புறம் வில்லனும் மற்றொறு புறம் ஹீரொவும் அரையிருதிக்கு முன்னேருகிறார்கள்

* அரை இறுதியில் திட்டமிட்டு ஸ்மித்தின் கால் முறிக்கப்பட்டதும் அரங்கமே நிசப்தம் தான்

* மீண்டும் எழுகிறான் ஹீரோ,ஒரே கைதட்டல் தான்

* கடைசியில் வெளிப்பட்ட கோப்ரா குங்க்ஃஃபூ மூலம் வெற்றி பெறுகிறான்

* நாம் கற்றுக் கொள்ள வேண்டிய பாடம்:

வாழ்க்கையில் எவ்வளவு துன்பம் வந்தாலும் நின்று விடக் கூடாது,போராட வேண்டும்

*கண்டிப்பா எல்லோரும் தியேட்டரில் பார்க்க வேண்டிய படம்

எப்புடி எல்லாம் விளம்பரம் பன்றாயிங்க (ஃபார்வட் மெயில்)

2010-06-11T22:55:00.000-07:00

நல்ல வேலை ஜூம் கண்டுபுடுச்சிடாயிங்க

எங்கெல்லாம் விளம்பரம் பாருங்க...

மும்பை போக்குவரத்து துறையால் வெளியிடப்பட்ட விளம்பரம் இது
ஹெல்மெட் அணிவதை வலியுறுத்தும் விளம்பரம்....

எவ்வளவு பெற வேணும்னாலும் அழச்சிக்கிட்டு போகலாம்....

ஜில்லுனு படிக்க நம்ம பக்கம் வாங்க......
இது நம்ம விளம்பரம்

யோசிக்க ஒரு படம்
வண்டி வண்டியா புகை விடுவதை நிறுத்துங்கள்...இல்லையென்றால்

முடிஞ்சா உங்க விளம்பரத்துக்கு ஒரு வோட்டும், பின்னூட்டமும் போட்டுட்டு போங்க
ஹி ஹி ஹி.............